العرب يحرقون مكتبة الإسكندرية

السلام عليكم ورحمة الله وبركاته
اسمح لى ارد بس من الاخر اولا ايه علاقه الاسلام كدين بكل اللى قلته ؟
كل اللى قلته اعمال افراد واعمال الافراد لاتعمم على المذاهب فما بالك بالاديان ؟
لو سمحت حاول تفصل بين العقيدة والافراد اللى بيستخدموها غلط واللى قصادهم اخريين بيستخدموها صح
تعرف انت مشكلتك ايه من وجهة نظرى طبعا لانها وزى ما باقول دايما مجرد راى يحمل الخطا قبل ان يحمل القليل من الصحة
ان ثقافتك الغربية مسيطرة عليك جدا وانك حتى لما حبيت تقرا عن الدين او تاريخ العرب قرات اما اراء مستشرقين او اراء اجنبية
انا مش محتاجة ادافع عن ا

لاسلام اولا لان ده رايك ورايك لايقلل من الاسلام شىء
وانت لاهتزود شىء او تنقصه وثانيا لان مش الاسلام اللى محتاجنى عشان ادافع عنه
واعتقد انك عارف النقطتين دول كويس
بس بجد انت فيه حاجات فاهمها ع انها صح وانا شايفة انها غلط والمجال مفتوح لينا احنا الاتنين نقول راينا بحريه واللى حتى لو كانت ليبراليه فلها حدود لانك لازم تفرق بين الحرية والفوضى فالحريه هى الحريه المسؤله يعنى حريتك حدودها عند بدايه حريه الاخر ده لو انت عايز اللى قدامك يحترم حريتك انت كمان اما الفوضى فهى كل واحد يعمل اللى يعمله بيؤذى الاخر ام لا مش مشكله واعتقد ان دى انانية زايدة المهم عشان ما نخرجش عن الموضوع لو سمحت اسمح لى اطلب منك انك تهتم باختياراتك جامد جدا لما تقرا لحد واعتقد انك مش محتاج انى اقولك انك المفروض تقرا لاكتر من حد لاكتر من مذهب عشان توصل ف الاخر لغايتك وهى انك توصل للحقيقة ده لو بتدور عليها
وزى ما انت قلت ان كل واحد بيفكر ف حاجة او معتقد ف مذهب بيكون شابف انه صح وبيكون مقتنع بيه لكن ده ما يمنعش انه يجرب يشوف حاجات تانية بس بطريقة موضوعية
ويا اما يبقى زى ما هو او يكتشف افاق جديدة ومهما عليت فالعلم والمعرفة اعلى منك بمراحل
ولو سمحت للمرة التانيه ما تتكلمش عن الاسلام بالطريقة دى لانك وبالرغم من انك مكتوب ف شهادة ميلادك مسلم الا انك فعلا لاتعرف عن الاسلام شىء ومعظم كلمك عن الاسلام مغلوط فبجد حاول تعرف اكتى بس من مصادر صحيحة لاكتر من حد بيمثل اكتر من مذهب
وكون انت فكرتك العامه وربنا يوفقك ان شاء الله

ومعلش عشان الاطاله رغم ان فيه كلام كتير ما اتسعش ليه المجال وياريت ما تستخفش براى حد زى ما بتعمل صدقنى مش هتخسر بس ممكن تزيد
سلام عليكم

السلام عليكم ورحمة الله وبركاته
بالطبع هى اعمال افراد و مفيش حد فيهم معصوم من الخطا
كونهم من الصحابه بيميزهم جدا لكن ما بيعصمهمش من خطا
وعشان كدة فكرة الحساب عند ربنا بميزان مش بحسنات بس او سيئات بس
لان مفيش انسان معصوم من الخطا ومفيش حد خالى من العيوب لكن هى بتتحسب اى كفة ارجح كفة السىء او الكويس
واعمالهم ما بتحددش تعاليم الاسلام اللى نازلة من عند ربنا وما حدش فيهم وضعها وكل واحد طبق التعاليم دى من منظوره الخاص
وكون ان حد منظوره خاطىء او لا دى مالهاش اى علاقة بالتعاليم الاصليه
وانا طبعا مش باقول ان حد فيهم منظوره خاطىء لكن انا باوضحلك نقطة لانى مش حد عشان احكم على اى انسان فما بالك بدول وكمان لانى بابص للنسان كمجمل مش مواقف لوحدها
ده غير انى اول مرة اسمع عن الموضوع ده
وفيه نقطة عايزة اوضحها هى ان الروايه ممكن يكون فيها كلام محذوف او مضاف
او اتصاغت بطريقة معيبنة غير اللى حصل بيها الموقف وده وارد جدا لان كل واحد بيبص للموقف الواحد ويحط له تبريرات ةتفسيرات من وجهة نظره
وصدقنى انا مش باشكك ف مصادرك لكن اعتقد انك عارف اكتر منى ان وجهات نظر الاشخاص مش شىء مقدس غير قابل للنقاش او الخطا واسمح لى انت بتناقش وبتشكك ف اشياء مقدسة فمابالك بالافراد او المصادر انت بس عشان مستعد انك تتقبل اى نقد للاسلام وبالذات لو مش كويس تقبلت الموضوع من غير ما تشغل مبدا الشك بتاعك وزى ما قلت لك ممكن يكون اللى نقله فاهم غلط او الصورة مش واضحة بالنسبة ليه وخاصة انه غالبا ما عاصرش الحادثة اصلا وانه اعتمد على اقوال ممكن قوى تكون غلط لاننا كلنا بنسمع الكل وبنصدق اللى احنا عايزين نصدقة واللى مش عايزين نصدقة بنطلع فيه زى ما بنقول القطط الفطسانه
ياريت بجد تبص لكل حاجة قدامك بطريقة موضوعيه وتبطل تتصيد النواقص وتترصد ليها
وشكرا لردك على واتمنى انى ما ابقاش طولت عليك المرة دى كمان
سلام عليكم