فلنسترد هويتنا ..

موضوع القومية العربية ظهر فى عهد عبد الناصر وقبل عبدالناصر صنفت دول الإحتلال مصر على أنها دولة عربية لأنها تتحدث العربية وتدين بالدين الإسلامى ولكن كل ذلك ليس له سند تاريخى بل أن المصريين لهم هوية قبل أن يخلق الله العرب ولهم تاريخ وحضارة يعرفها العالم كله أما العرب لا يعترفون بعروبة مصر وهم واقعيون جداً فى هذه المسألة فالعربى يدخل مطار السعودية من باب العرب بدون تأشيرة بينما المصرى يدخل من باب الأجانب ويحتاج تأشيرة لدخول السعودية أو أى دولة عربية فدول الخليخ أو الكويت لا يحتاج فيها المواطن أى تأشيرات لدخول السعودية باعتباره عربياً . ليس معنى أننا نتكلم العربية أننا أصبحنا عرب فدول إفريقية تتحدث الإنجليزية دون أن يحملوا الهوية الإنجليزية وهناك من يتحدث الفرنسية دون أن يحملوا الهوية الفرنسية . وهناك دول كثرة تعتنق الدين الإسلامى ولم تلتصق بالعروبة ولم تفرط فى لغتها الأصلية كالباكستان وأفغانستان وإيران وغيرهم .
البدو الذين دخلوا مصر مع عمرو بن العاص وبعده لم يتصاهروا مع المصريين بل حافظوا على نسيجهم ولا زالت القبائل العربية التى تعيش فى مصر معرفة من حيث الإسم وأماكن التجمعات ويرفضون زواج بناتهم من أغراب .
وعلى ذلك يكون المصريين لم ينصهروا مع العرب الذين دخلوا مصر وعلى هذا لا يجب أن تلتصق فكرة العروبة بمصر والمصريين فمصر دولة متحضرة لها تاريخ يفخر به كل مصرى أما العرب كانوا أجلاف بدو رحل رعاة أغنام ليس لهم تاريخ فى صنع الحضارة الإسلامية ولازالوا مستهلكين لما يصنعه الآخرين حتى الآن رغم ثروة البترول .
المصريون حينما تخلوا عن هويتهم وتاريخهم وذهبوا لبلاد العرب حديثا للعمل والمال فنقلوا عاداتهم وتقاليدهم فظهر بينهم التعصب والتشدد والإرهاب أيضاً ونقلوا الوهابية ضيقة الأفق التى ترفض الآخر وتشجع الارهاب والبلطجة .
هل تعلم أن المصريين لم يعرفوا عادة الثأر المنتشرة بالصعيد إلا بعد دخول العرب مصر ؟ هل تعلم أن الذين يزرعون المخدرات الحشيش والأفيون فى سيناء ومطروح قبائل عربية أصيلة ؟ هل تعلم أن شبكات تهريب المصريين وغيرهم إلى إسرائيل وشبكات الإرهاب فى سيناء قبائل عربية أصيلة ؟
أما المصرى انسان متحضر على مدار التاريخ صانع مبدع للحضارة الإنسانية وارتباطه بما يسمى القومية العربية أحدث تشويها فى شخصيته فلنسترد الشخصية المصرية ونطرد الهوية العربية ونسترد ذاتنا الأصيلة وشخصيتنا العظيمة التى يشهد لها العالم أجمع

السلام عليكم ورحمة الله وبركاته
اولا احب اقول لك ان العرب فعلا كانوا عبارة عن مجموعات ممكن نقول عليهم همجيه ومتفرقة ومتعصبع وهما فعلا اللى بينهم عادة الثار لكن
لما دخل الاسلام قلوب العرب بداو يتحولوا الى مجموعت بشريه قمة ف التمدن والدليل الفتوحات الاسلاميه اللى كانت على ايدين عرب وعلماء كتير كانوا عرب او اتعلموا ف البلاد العربيه ونشاوا فيها
ولو هنتكلم عن الوقت الحاضر انا معاك ان المصريين بيعاملوا معاملة عجيبة من العرب وان العرب بيكرهوا المصريين جدا بس طبعا مش الكل عشان مش نظلم حد وانهم بيغيروا من المصريين جدا جدا جدا بس ارجع واقول لك ان احنا مش لازم نتخلى عن هويتنا العربيه ودى موجوده فعلا شئنا ام ابينا لان التقسيم القديم غير التقسيم الجديد يعنى زى ما احنا مش متقبلين الكيان الصهيونى جوة فلسطين وهما بيقولوا ان دى اصلا ارضهم مع انها ارض كنعان اصلا وعربيه تماما بس انا قصدى ليه نتخلى عن حاجة احنا فعلا فيها بس ما ينفعش تطغى على هويتنا المصريه وكونا فراعنه ما يلغيش اننا كمان عندنا حضارة اسلامية عربية بالاضافة لحضارتنا الموجودة اصلا وصدقنى كلنا فخورين اننا مصرين بس كلنا بنكتفى بالفخر بس وهى دى المشكله من غير ما نحاول اننا نعمل مستقبل زى اللى فبلنا ما عملوا حاضر
ده طبعا راىقابل انه يكون غلط او صح
السلام عليكم ورحمة الله وبركاته

يا أيه خلينا واقعيين .. ما دام الناس دول مخنوقين منا و مش طايقينا من أساسه ليه تفضلي تقولي أنا عربية و إحنا عرب ... و الله حاجة وحشه قوي إن في الأساس إحنا مش عرب و الشرف المفروض ليهم إن مصر تلزق العار اللي أسمه ( عروبة ) فيها .. لكن لما يبقا العكس يبقى في الساعة ديه مش لازم نتمسك بحاجة ما لهاش معنى ,, خاصة إنك بتتعامل في وسط ناس أقل منك بشكل وحش و زي ما قال أسامه عكاشه ( بلا عرب بلا نيلة )

ملحوظة : الفراعنة دول غرقوا من زمان و إنقرضوا من التاريخ .. يعني إحنا مش فراعنة و لا عرب .... لكننا مصريين ... و كوننا مسلمين ما يفرضش علينا نكون عرب .. مثلاً إيران و تركيا و أفغانيستان و ماليزيا دول إسلامية لكنها ليست عربية و تفتخر بتاريخها و قوميتها الخاصة ..

بصراحة أنا لو أمسك مصر أول حاجة أعملها احذف كلمة ( عربية ) من أسم بلدنا و أسميها ( الجمهورية المصرية الديموقراطية ) و أشيل ( صقر قريش ) رمز الفشل و الهزائم المتتالية في حروب إسرائيل و مصر من 48 لغاية 67 ,, و أضع على علم مصر الأهرامات أو أبو الهول أو أخليه على الأٌل فاضي يبقا ليه معنى شوية بدل النسر العربي اللي بيغظني ده ...

سلاموز ...

السلام عليكم ورحمة الله وبركاته
صقر قريش ؟
جبتها منين دى اولا ده نسر مش صقر وفيه فرق جوهرى جدا بين الاتنين لو حبيت ابقى اقوله ليك
وموضوع الاهرام ده انساه شالوه من القناة المصريه الفضائية وحطوا رمز اهبل يبقى هيحطوه ع العلم؟
المهم انا ما قلتش احنا بنتلزق فيهم واعتقد انى قلت هما اللى بيغيروا مننا عشان كدة بيعاملونا وحش لانهم عارفيين كويس اننا افضل منهم بس عشان الموضوعيه رغم الفارق العقلى بينا وبينهم هما طلعوا اذكى منا ده حتى الدراما بقوا افضل فيها مننا واحنا اللى مخترعنها خلينا نتكلم بصراحة هما عرفوا نقطة ضعفهم فين وعالجوها بفلوسهم وبقت فيه بلاد عربيه كتير احسن من مصر من حيث تقدمها ومستواها المعيشى والاقتصادى بص المصريين اجدع ناس تتكلم وتتفشخر وساعة الجد قليلين اللى بيعملوا حاجة بجد وده عيب خطير جدا فينا
وعلى فكرة الدليل على تميز العرب انا مش هاقولك علماء رغم ان ابن سيناء مش العالم الوحيد وانا كنت عارفة انه مش عربى هو من العلماء اللى ساهموا ف الحضارة الاسلاميه اولا فبل العربيه بغض النظر عن اصوله لكن انا هاكلمك على الافضل من الاشخاص
القران بسم الله الرحمن الرحيم انا انزلنه قرانا عربيا صدق الله العظيم
واعتقد ان ده اكبر تكريم ممكن العرب ياخدوه
طب تفسر لى بايه ان معظم الرسل كانوا عرب حتى المسيح عيسى ابن مريم اللى الامريكان بيدينوا بدينه سيدنا موسى اللى اليهود بيدينوا بدينه ما هو تزوج من العرب والعرب اكرموه اكتر من المصريين
سيدنا يوسف وسيدنا ابراهيم هما دول كلهم وغيرهم ما هم عرب
بص دايما ف حياتك اوعى تشوف نفسك او فصيلتك صح مطلق لان البشريه ما اجتمعتش على خالقها يبقى هتجمع على فرد او نوع بتاع ايه؟
لازم تشوف اللى ليك واللى عليك وتقول الاتنين بمنتهى الصراحة
تعرف ان مشكله مصر اننا مش صرحة مع نفسنا وعاملين نمجد ف نفسنا عمال على بطال لغايه ما الكل سبقنا واحنا لسة بنتكلم عن الهرم
فين هرمنا احنا؟ فين مجدنا احنا ؟ليه كل حياتنا ف جدودنا
مش المفروض انه
ليس الفتى من قال هذا ابى ولكن الفتى من قال ها انا ذا
احنا فين من ده؟
واحب اقولك حاجة قبل ما اقوم عشان ورايا جامعة بصراحة وبعدين انا طولت عليك جدا زمانك عمال تقول ايه البت الرغاية اللى انا ادبست معاها دى بس
اليهود ما استخدموش ذكاءهم اليهود استخدموا مكرهم وفيه فرق جوهرى برده جدا بين الاتنين برده لو حبيت انى اقولوا هابقى اقولوا ليك ان شاء الله مع انى اعتقد انك عارفه
انت مش بتحب لعرب عشان احتكاك شخصى مع بعضهم وصدقنى مع بعضهم مهما كبرت دايرة بعضهم وانا مش بادافع عنهم انا زى ما قلت باقول اللى لى ىاللى علية وكفايه بقة لحسن انت شكلك صدعت
سلام عليكم

بلا عرب بلا نيلة

بلا مصريين بلا نيلة

بلا إسلاميين بلا نيلة

يا ريتني كنت يهودي cheers

على الاقل ناس محترمين

أصفق لك أيها الصحفي او الصحفية

كلامك أصفق له احتراما
انظر بعد دلك الى الأخ الفوهرر متعجبا من طريقة حواره
وأقول..........و عجبي Evil or Very Mad

HiZeNbErG كتب:: بلا عرب بلا نيلة

بلا مصريين بلا نيلة

بلا إسلاميين بلا نيلة

يا ريتني كنت يهودي على الاقل ناس محترمين

لية ماغيرتش ديانتك لغاية دلواتي ؟
اسررررع قبل ماقطر العمر يفوتك

سلام

khjournalist كتب:

HiZeNbErG كتب:: بلا عرب بلا نيلة

بلا مصريين بلا نيلة

بلا إسلاميين بلا نيلة

يا ريتني كنت يهودي على الاقل ناس محترمين

لية ماغيرتش ديانتك لغاية دلواتي ؟
اسررررع قبل ماقطر العمر يفوتك

سلام

المشكلة إن اليهود ما بيقبلوش في ديانتهم غير ( بني إسرائيل ) و الأيه في التوراة بتقول ( لا إله إلا في إسرائيل ) يعني أنا حظي وحش و مش قادر أكون يهودي زييهم ... هئ هئ هئ Sad

لا اله الا الله وان محمد نبينا ورسولنا وحبينا الكريم رسول الله

دكتور

انا متاكدة انك بتهزر
فحرام الهزار في الحاجات دي
ولو مش بتهزر
ربنا يهديك
ويهدينا جميعا

سلام

سؤال سخيف معلش:
انت مصري ؟؟

اعتقد لو مصري (والديانه مالهاش دخل ) كنت هتحب مصر
لو لم اكن مصريا لودت ان اكون مصريا

انا ليا اصدقاء اجانب كتير من انجلترا وامريكا وفرنسا وغيرهم كتير علي النت
وبدون يمين ومن غير ما احلف كلهم بيتمنو انهم يزورو مصر وممكن يكونو واخدين فكره ليست بلذيذه عن مصر والمصريين بس العولمه والانفتاح عرفو العالم كله اد ايه احنا حاجه لازم يحترموها .
وحضرتك لو مصري كنت احترمت المكان اللي اتولدت فيه واتربيت فيه
وعلي فكره اللي اصله في مكان وماحترموش لو راح مكان تاني بيتهيألي برضه مش هيحترمه.

ده يا راجل لو واحد اتولد ولقي امه مش محترمه برضه هيحبها

بكلامك ده :بلا عرب بلا نيلة

بلا مصريين بلا نيلة

بلا إسلاميين بلا نيلة

يا ريتني كنت يهودي على الاقل ناس محترمين

انا بيتهيألي والله اعلم انك من بتوع اللي بيحب يعمل هيصه وخلاص
فرقعه يعني عشان يشغل الاهتمام وتحس انه مشهور هههههههههههه

اقتباس :: يا ريتني كنت يهودي على الاقل ناس محترمين

يا مستر هيزنبرج لو كان كلامك جديا

فاعتقد انك ما تستحقش " مش هقولك تكون من المسلمين لكن هقول ما تستاهلش يتكتب في بطاقتك مسلم"

لكن لو كان بهزار صدقني كلامك ده هتتحاسب عليه لان المرء محاسب علي كل لفظ يخرج من الفاه فاذا كنت تهرج بمثل هذه العبارات فارجو ان تنتبه لكلماتك وعباراتك كي لا يتبرأ منك الاسلام بعد ذلك.

Troy Boy كتب:: سؤال سخيف معلش:
انت مصري ؟؟

اعتقد لو مصري (والديانه مالهاش دخل ) كنت هتحب مصر
لو لم اكن مصريا لودت ان اكون مصريا

انا ليا اصدقاء اجانب كتير من انجلترا وامريكا وفرنسا وغيرهم كتير علي النت
وبدون يمين ومن غير ما احلف كلهم بيتمنو انهم يزورو مصر وممكن يكونو واخدين فكره ليست بلذيذه عن مصر والمصريين بس العولمه والانفتاح عرفو العالم كله اد ايه احنا حاجه لازم يحترموها .
وحضرتك لو مصري كنت احترمت المكان اللي اتولدت فيه واتربيت فيه
وعلي فكره اللي اصله في مكان وماحترموش لو راح مكان تاني بيتهيألي برضه مش هيحترمه.

ده يا راجل لو واحد اتولد ولقي امه مش محترمه برضه هيحبها

بكلامك ده :بلا عرب بلا نيلة

بلا مصريين بلا نيلة

بلا إسلاميين بلا نيلة

يا ريتني كنت يهودي على الاقل ناس محترمين

انا بيتهيألي والله اعلم انك من بتوع اللي بيحب يعمل هيصه وخلاص
فرقعه يعني عشان يشغل الاهتمام وتحس انه مشهور هههههههههههه

[b]بارانويا العظمة بقا مرض نفسي مشهور عند كل العباقرة [/b

]

السلام عليكم ورحمة الله وبركاته

ياريت توضح كلامك يا دكتور وتقول اذا كنت قصده ولا بتهزر ولا دى كمان هتبقى زى الخاطرة اللى فاتت وترجع تعتذر عنها تانى
اهم قواعد الاعتذار انك ما ترجعش للى كنت فيه لكن يظهر انه كان اعتذار اجوف وانا قلت لك انت ما غلطش فينا وما كنتش مدين لينا باعتذار لكن كلامك بيقول انك ما اعتذرتش للى غلطت فيه واديك بتعيد الغلط من جديد بس بطريقة غير مباشرة بغض النظر كنت بتتكلم بجد او لا
وصدقنى يا دك لو انت مش حابب تكون مسلم بمجرد فكر فاهنيك لانك فعلا مش مسلم لان اهم قواعد الاسلام انك ترتضيه وصدقنى وهاعيدها لك تانى رغم انى سبق وقلتها لانت ولا مليون زيك هيضيف او ينقص ف الاسلام وف الله شىء
انت كل اللى بتعمله انك انت اللى بتخسر
وبتخسر نفسك قبل اى حاجة تانيه
والاسلام مش كلمة ف البطاقة ولا حركات بيقولوا عليها صلاه يمكن تكون بتعملها
الاسلام من جواك فلو مش جواك يبقى انت فعلا مش فيه واحتمال كبير تكون من المنافقين
ولو اليهود ناس محترمين يبقى ما لكش حق تقول القدس واللى بيحصل فيها ده لو كنت مهتم اصلا لانهم عرب والعرب عار ف نظرك
يا دكتور انت مش مذبذب ومشتت بس
انا اسفة بس انت فعلا ضايع للاسف انت وليحزننى انى اقول انك بلا هويه
لا قدرت تكون مسلم وحاسس من جواك انك مش قادر تكون مصرى لانك مش فيها رغم ان ده مش سبب
ومش عربى لانك رافض تكونه ولا انت شيوعى ولا يهودى لانك عامل حساب الناس واهلك
ولا انت مفكر حر لانك مش عارف اصلا يعنى ايه حريه وفاهمها غلط
يا دكتور معلش وياريت تسمع كلامى اقعد قعدة صريحة مع نفسك وحاول تجاوب على انت مين انت الطبيب ولا الاديب ولا هتجمع بين الاتنين انت فعلا مفكر حر ولا حد اقل ما يقال عنه انه مغيب حتى مش ضايع
لازم تلاقى نفسك الاول وبعد كده قول اللى عايزه
ومش هاعيد كلام قولته قبل كدة ليك ف اكتر من مكان عن مصادرك وعن انك لزم تتدخل خط تانى ف قراءاتك
بس انك تكون ضايع افضل بكتير من مجرد واحد بيعمل فرقعة على حساب اعز ما يملك نفسه
معلش طولت عليك كالعادة بس ياريت تحاول تفكر ف كلامى وصدقنى انت لو ما كنتش تهمنى انا ما كنتش هارد عليك اصلا يعنى انا لابحاول استفزك ولا ااذيك او اقنعك برايى وبس وبعدين انسحب من المناقشة زى ما انت بتعمل
سلام عليكم