هو انا انسان ؟

السلام عليكم ورحمة الله وبركاته



هو انا انسان
طب ليه متهان
جوه الاوطان
ليه رخيص وجبان
تعبان حيران
مليان اشجان
بتقولوا امان
طب فين يا زمان
وانا كده متهان
ليه نورى ف عز الضلمه دخان
وطريقى ف عز الثلج نيران
اما الحيوان
طبعا منصان
جمعيه ولجنة
وورث كمان
بتقولوا غيران ؟ لا دا انا انسان
حتى الحيوان
قال له يا غلبان
شايل اطنان
كلها احزان
حتى الاحزان
بتقول يا زمان
مين دا الانسان؟
مذلول خزيان
مهزوم ندمان
وكمان زعلان؟
ما هو مين مخرب
ومين مدمر
وكمان مين خان
ما انت يا انسان
وانت الخسران
روح للرحمن
ارجع ندمان
يمكن يوم تبقى
صحيح انسان



يارب تعجبكم وياريت حد يرد عليا ويجاوب ع السؤال
سلام عليكم

اية
بجد
روووعة
حلوة اوووي
اية الكلام الجامد دي
والتعبيرات الحلوة دي




مين دا الانسان؟
مذلول خزيان
مهزوم ندمان
وكمان زعلان؟
ما هو مين مخرب
ومين مدمر
وكمان مين خان
ما انت يا انسان
وانت الخسران
روح للرحمن
ارجع ندمان



فعلا يا اية اللي مدمر ومخرب هو الانسان
واللي ناوي يقضي علي اخوه الانسان هو الانسان
وانا بجد بادعي ومن كل قلبي علي الشخصيات اللي بتدمر وتخرب في البلد ن جميع انواع التخريب والدمار بالرحمة



شكرا يا اية عالقصيدة الروعة دي
سلام

السلام عليكم ورحمة الله وبركاته
شكرا يا خوخة يا رافعة لى دايما كدة معنوياتى
وده حقيقى الكون مش هيتصلح غير لما الانسان يبقى فعلا انسان
والكلام ده انا كتبته بسبب اكتر من موقف كان اخرهم الموقف بتاع عبد الهادى اللى خلا مى تفتكرنى عصبية رغم ان امة لا اله الا الله قالت عنى انى متبلدة مش بارده
المهم شكرا يا قمر ع التعليق الرافع للمعنويات ده وربنا يخليكى لى وترفعيلى كده معنوياتى كدة كمان وكمان
وسلامى لاجمد منتدى
سلام عليكم