احلام يائسة

جلست كعادتي امام جهاز الحاسب الالي الخاص بي اتصفح بعض المواقع والصحف عبر الانترنت وامامي فنجان القهوة فقد اعتد علي ذلك العمل من قبل . واعتد ايضا بعمل الشات مع اصدقائي من جميع الدول ولكن اليوم تفرغت للتصفح فقط ولكن صمت فجاة ولكن ما السبب وما الخطب ؟ وازداد هولي اكثر واكثر

حيث انني وجدت اسمي بالبنط العريض في احد المواقع فتعجبت لهذا وحدثت نفسي كثير وتعجبت لهذا الامر اغلقت هذه الصفحة وقولت ( افوق من احلامي دي يمكن عنيا وجعاني وانا لسة صاحية من النوم ) المهم اغلقت هذه الصفحة وفتحت صفحة اخري من صحيفة اخري ايضا وجدت اسمي واخري واخري تعجبت كثيرا لهذا الامر وقولت ( اكيد انا فايقة كويس اووي ودا حقيقة وليس تهيات ) فصرخت بصوت عالي ومن شدة صوتي اهتز فنجان القهوة وكاد ان يسكب علي جهاز الكمبيوتر فعشت هذه اللحظة وقولت لنفسي نعم هذه كلماتي وهذا اسمي وهذه مقالاتي وهذه كتاباتي التي لم يخطها قلمي ولكن كان قلم الرئيس محمد حسني مبارك حينما كنت معه في احدي المقابلات اعجبني فاعطاه لي . وبعد ذلك كله مللت من شهرتي هذه ومقالاتي التقليدية التي اقدمها فاغلقت بجهاز الكمبيوتر وذهبت وجلست علي اريكة لمشاهدة التليفزيون فامسكت بريموت التليفزيون واغير قناة بعدها قناة فالتليفزون مليء بالقنوات التليفزيونية فوجدت قناة اغاني تغني لهيفاء بوس الواوا فتعجبت لهذه الاغاني التي تعرض وتعرض الفنانات اجسادهم بهذا الرخص الشديد كانها سلعة تباع وتشتري واخري قناة افلام واخري برامج ( اية دا اية دا انا في حلم ولا علم يا ناس ) اذ بي اري نفسي علي شاشة التليفزيون فناديت باختي الصغيرة واقول لها (مين دي وتقولي دي انتي يا بنتي مالك قولتلها لاء ابدا مفيش ) كانت تنظر لي وكاني مجنونة او حدث لعقلي مكروه وازداد تعجبي اكثر واكثر لهذا الامر ولكني عشت هذه اللحظة مرة اخري واستمعت للبرنامج نعم انه لقاء معي عن انجازات الرئيس الذي يقدمها للشباب والخريجين نعم الان جميع الشباب في عملهم وايضا قضي علي البطالة المنتشرة فالان الرئيس اتاح فرص العمل لجميع الخريجين فتهللت فرحا وغيرت قناة اخري فوجدت ايضا لقاء اخر معي فتعجبت اكثر واكثر وكان اللقاء عن المحسوبية المنتشرة فجاء حكم رئاسي ان من يشجع المحسوبية والوسطة يروح في داهية يعني عشرة سنين سجن ففي ذلك الوقت خاف جميع المسئولين من هذا الحكم والان تم القضاء عليها تماما ففرحت اكثر واكثر كانني لم اقل انا هذا الكلام وكانني اسمعه لاول مرة اذ بي اري صديقتي في وجهيي وهي توقظني من نومي وانا في القطار من القاهرة للزقازيق وانا راجعة والياس يحطمني ويهددني وليس وحدي ولكن جميع الشباب والخريجين مثلي ففقت من هذا الحلم العميق الذي كنت اتمني ان يكون كابوس مزعج ليوقظني من نومي منذ زمن قبل ان اتعمق واتعمق واتعمق

كلامك جميل اوى يا خووووخه والطرقه والاسلوب حلوين بجد
وان شاء الله يعني كل ده ميبقاش حلم ويبقي كلو حقييييييييقه
وان شاء الله متبقاش احلام ياااااائسه
وانتي اصلا تستاهلي كل خير ده بعيدا عن الهزار وكده يعني
وبعدين انا اصلا متفائله ليكي اوى Smile

السلام عليكم

عجبنى قوى ياخوخه اسلوبك وطريقتك فى عرض الموضوع بغض النظر عن الكلمات
لكن اسلوبك فعلا سهل وجميل ومميز

وان شاء الله ياخوخه هتلاقى اسمك با البنط العريض فى قلوب الناس قبل ان يكون على ورق او شاشه عرض

واكيد هتوصلى لانك فعلا صحفيه با الفطره واسلوبك بيعجبنى جدا شخصيا

واتمنى المزيد من التقدم ليكى ان شاء الله

وان تكونى من المع وابرز الصحفيين عالميا ومحليا

يااااااااااااااارب

ادعى ورايا

يلا اسيبك لحسن طولت عليكى

احلى سلام لااجمل خوخايه

نور
مي

شكرا لردكم دا
وانا فعلا كتبتها وانا تحت ضغط وبجد رغم اني حاسة ان ناقصها حاجة بس نشرتها
وشكرا بجد لتشجيعكم ليا دا
وشكرا ليكي يا مي علي تشجيعك ليا مش عالمنتدي وبس ولكن في كل مكان

وربنا يوفقك يارب ويوفقنا جميعا

سلام

هايل ياخوخه ويارب تحققى كل اللى نفسك فيه دايما
عجبنى اوى طريقه عرضك للى بتتمنيه فصوره قصه جميله تشد الواحد يقراها

ويارب تكونى احسن صحافيه وتشوفى البلد بصورة احسن ترضيكى وترضينا

شكرا يا غادة لردك دا

تسلمي يارب

وشكرا لتشجيعك ليا دا

وربنا يوفقك يارب

ويوفقنا جميعا

سلام

السلام عليكم ورحمة الله وبركاته
صدقينى هيحصل وبكرة افكرك
وزى ما مى قالت انتى هتكونى ف مكان افضل
هتكونى جوه العقول والقلوب قبل ما تكونى ع ورقة او حته قزاز
وبعدين احنا مش اتفقنا ع اننا هنعمل الجرنال بتاعنا
وشويه نعمل القناه واحتمال نعمل ستالايت
ان شاء الله كله هيحصل
واحنا اللى هنغير البلد دى بجد
بس لازم احنا نتغير من جوانا يا خوخة
بصراحة اكتر انا مش عاجبنى ياسك
اوعى تستسلمى ليه لان ياسك هو اللى هيحطمك مش الكوسه
وبكرة نمنع الكوسه دى م البلد حتى لو كانت ف صوص ولحمة وحاجات حلوة
بس لو شوربه ما اوعدكيش
سلامى ليكى ولكل اعضاء احلى منتدى
سلام عليكم

أينعم فكرة الحلم دي بقت مستهلكة جدا في الكتابة
بس فكرتك حلوة قوي خصوصا إنها أساسا ما ينفعش يتعبر عنها إلا بحلم
يا ريت تقدري تحققي أحلامك يا خوختي
أصلك طموحة قوي
بالنسبة للأسلوب بقى
حلو و سلس و كل حاجة
بس فسه بقى يا ستي تكات نحوية و إملائية كده
عاوزة تظبيط يا عم الصحفية

سلامي ليكي يا قمر