تحديث الدستور المصري ....

السلام عليكم ورحمة الله وبركاته
اعتقد ان ايام الفتوحات سيدنا عمر بن الخطاب كفل حريه العقيدة رغم انه الاسلام هو اللى كان الدين الرسمى
وعامة الكلام بيبقى باسم الاغلبية والدليل ان وبالرغم من ان الدين الاسلامى هو مصدر التشريع الا ان بعض القضايا الخاصة بالاخوة المسيحيين بتخضع لتشريع الدين المسيحى وعامة ارضيه العلاقات بين الناس ثابته بغض النظر لو مصدر التشريع اى دين او حتى اذا كانت الاعراف لكن وقت الفصل بيكون فيه فصل
وصدقنى التحضر مش فصل الدين عن الدولة لان اللى خلى الدين الاسلامى دين عالمى هو انه كان دين ودولة وربنا حدد العلاقات البشرية بالتفصيل وده ما كانش ف اى دين تانى وعشان كدة زمان لما تدخلت الكنيسة ف الحكم فسد لكطن الاسلام ولانه زى ما قلت دين ودولة فكانت دايما العقيدة بتؤدى الى دولة افضل والدليل هو الحضارة الاسلاميه بكل عبقريتها
وعصر زى عصر عمر بن عبد العزيز افضل شاهد على الحكاية دى
سيبك من الناس اللى بتنادى بالعلمانية زى بره والا هيبقى فيه حصار فكرى جامد يعنى مثلا بلد زى تركيا يلد علمانى والمفروض انه بيكفل العقيدة واعتقد انه مادام كافل للعقيدة يبقى كافل لمبادئها وشرائعها
انا عايزة اقولك انت مش متخيل قد ايه الجول انتصر بفوزه بالرئاسة وقد ايه كان بيتحارب لان زوجته وبنته محجبتان وده بيخالف قواعد العلمانية لان الحجاب يبرز المسلمات ومش عارف قد ايه ممنوع الكلام عن الدين هناك
المشكلة ان مفيش اى بلد قادرة تستوعب يعنى ايه اسلام فاكرين التدين هو زهد الحياه وفالكرين الاسلام يا اما تعيش حياتك بلا ضابط يا اما تبقى متدين وتبقى حياتك خنقة وده مالوش اى اساس من الصحة والا ما كانش الدين المعاملة
المشكلة ان حتى المسلمين مش قادرين يستوعبوا يعنى ايه اسلام وكتير منهم بيسىء للدين اكتر ما بيضيف له وهو فاكر انه بيعمل صح
الاسلام حياه متكاملة بكل ما تحملة الكلمة من معانى
واذا كان الفصل بين السياسة والدين فده هيبقى بس ف تكوين الاحزاب السياسية عشان ما ينفعش الاحزاب تكون عاى اساس دينى والا هيبقى فيه اقتتال داخلى بسبب فرق الدين
لكن ماعدا ذلك مفيش فصل خاصة ف المسائل القضائيه
ع العموم يا هيزنبرج اللى انت مش عارفه عن مصر ان كده كده الدستور اغلبه حبر ع ورق وما حدش بيفتكرة غير لما يتزنق ف مادة من مواده يابنى رئيس الحكومة الذكيه بجلاله قدرة مش عارف الدستور اللى انت بتتكلم عنه
معلش لانى طولت عليك رغم ان فيه كلام كتير كان نفسى اقوله وما قلتوش بس حبيت اوضحلك حاجة ممكن تكون غايبة عنك او واصلة لك بشكل غير واضح
السلام عليكم