زي مارحت زي ماجيت...

انا اصلا من زمان وانا بكره الكوسه
بس عندك حق يا خوخه كله دلوقتي بقي ماشي بلوسطه ولو مش واسطه يبقي فلوس
وعاوزنا منقعدش في البيت ونشتغل طب فين الشغل اصلا؟
ولو اشتغلنا في احلامنا الي عاوزين نحققها ؟
وبعدين يا بت بطلي طفاسه بقي ليه السندوتشات والمشروبات طفاسه
انا لما لقيت زي مرحت زي مجيت ديه وركبت قطر الساع 6 الصبح حسيت انك بتقولي عني
اصلي فعلا زي مبروح الجامعه زي مبااااااجي
والسلام عليكم ورحمه الله وبركاته

يابنتي دي حاجة كدة
طبعا ماتجيش حاجة في ابداع العباقرة اللي معانا
بس يلا ارضوا بيها باه

المهم
قال يعني بتيجي الساعة 6 الجامعة اشك
ولكن زي مارحت زي ماجيت بالنسبة ليكي في الجامعة فانا باقولك اكيد

ومن حيث الكوسة والواسطية يابنتي
انا خايفة بكرة منلقاش هدوم نلبسها يمكن يلبسوها للي عندهم واسطة
يلا ربنا يستر



سلام

هههههههههههههههه
بس يا بت ده انا باجي من النجمه حرام عليكي
وبحضررررررررررررر
اما بلنسبه للهدوم متخافيش يا خوخه مش هسيبك والشتا داخل
اكيد هبقي اديكي حاجه من عندي يلا مش ذكى رمضان

السلام عليكم ورحمة الله وبركاته
بعيدا عن انى اشتغلت لفترة ف جرنال من غير واسطة ولا حاجة بس عامة انا سبته لانى كنت واخدة موقف من تعديل موالى للحكومة اللى ما عملتش حاجة لحد دلوقت ف المشكلة اللى كتبت عنها واللى بقالها لغاية دلوقت اكتر من سنه ولسة ما اتحلتش رغم ان الجرنال غير اللى كتبته او نقول عدله وخلاها اتحلت وخلى الحياه لونها بمبى ع الاخر يعنى لو مفيش واسطة هيبقى فيه حاجة تانية
عشان كدة بجد يا جماعة احنا المفروض نعمل تكتلات صحفية واحنا اللى نعمل الجرنال بتاعنا زى ما كانوا بيعملوا زمان
بس انا حسيت بكلامك لانى طبعا اتعرضت لجزء منه وكنت فعلاكانك يابوزيد ما غزيت مش زى مارحت زى ما جيت بس
اما بالنسبة للجيل اللى قبلينا فهما يا جماعة اكيد تعبوا بس يمكن كل واحد فيهم كان بيدور ع ولاده بس وتولع البلد ع غرار انا والطوفان بعدى
وفيه منهم طبعا علامات مميزة احنا بس اللى الوعى بتاعنا زايد عنهم بمراحل وباحس بجد ان غلطهم احنا ان شاء الله هنصلحه
انا بجد حاسة ان جيلنا هيعمل حاجة بس احنا لسة تايهين مش لاقين بدايه الطريق
وان شاء الله هنلاقيها واول ما نلاقيها البلد دى هتبقى حاجة تانية ان شاء الله
معلش يا جماعة انى طولت عليكم
سلام عليكم

[color=blue]معقولة يا خيرية لسه بتفكرى فى الموضوع ده انسى بقى وبصى لقدام وادينا بنتعلم
وحلوة قووووووووووووووى الحتة دى.
(مانا مش لوحدي

الكوسة )

ههههههههههههههههههه طبعا انا واحدة من زمايلك دول وعلى فكرة بقى احنا ولا مشينا ورا سراب ولا احلامنا خدعتنا شفتى انا حالتى كانت هناك عاملة ازاى كنت فاكرة ان ده اسود يوم فى حياتى بس لما فكرت تانى وقعدت مع نفسى بهدوء لقيته انه كان اسعد يوم فى حياتى متستغربيش من كلامى انا عارفة انى كنت اكتر واحدة فيكم زعلانة من اللى حصل ومتضايقة جدا وبكيت كمان بس طلعت من اليوم ده بنعمة كبيرة عرفت قيمة حاجة مكنتش عارفة قيمتها قبل كده والحاجة دى هى والدى كنت متخيلة ان بابا حد عصبى وانه هيزعق بسرعة ويترفز عليا لان ده يوم الاجازة اللى هو بيرتاح فيه وكمان معلش يعنى فى الكلمة ماشى مع شوية عيال بس عمرى ما تخيلت ان ربنا ادانى اجمل واطيب واحن قلب فى الدنيا شفتى لما بدات دموعى تنزل طبطب عليا وقالى ولا يهمك رغم ان اللى اتكسرت على الارض وانتى عاملة تتكلمنى عنها دى احلامه هو احلام اهلينا قبل ما تكون احلامنا ورغم كده استوعبنى بحنان غير طبيعى واستحمل هزارنا وانت طبعا عارفة طريقة هزارنا .وعارفة كمان لما روحت البيت وعرفوا اللى حصل صمموا يعملوا لى الاكلة اللى انا بحبها رغم انها صعبة جدا ومش هقول كمان ايه هى ههههههههههه عملوها لى علشان يقولوا قد ايه هما بيحبونى ومؤمنين بيه انا اكتشفت فى اليوم ده يا خوخة ان ربنا ادانى نعمة عمرى ما حسيت بيها ولا بقيمتها .
انسى بقى يا خيرية انسى وفكرى وشوفى انتى ربنا عوضك بأيه عن اليوم ده ولو لسه مش حاسة بأن ربنا ادالك حاجة اكبر من اللى كنا بنحلم بيه فى اليوم ده اكيد بكره هتلاقى بس اصبرى ان الله مع الصابرين.
وقبل ما امشى احب اقول كلمة اخيرة ان فى اليوم ده خوخة رجعت من مصر لقت المنتدى القديم باظ فأنهارت على الاخر وحالتها بقت فى الحضيض مكنتش تعرف ان ربنا عمل كده علشان يعوضها بمنتدى اجمل واحسن بكتير من القديم المنتده ده اوعى تزعلى او تيأسى يا خوخة لما احنا نيأس دلوقتى امال مين اللى هيبنى البلد ويعملها حضارة ونهضة ولو كل وقعة هنقوعها هنقعد نعيط وخلاص اكيد هنقع وقعة اكبر من الاولى انما لو فكرنا شوية بجد هتلاقينا استفدنا كتير قووووووووى من الوقعة دى.
احلى سلالالالالالالالالالالالالالالالالالالالام لاجمل اصحاب ( خوخة وقمر المنتدى)
وربنا يكرمنا فى السفرية اللى جاية ولا خلاص يأستوا خليكم رجالة امال هههههههههههههههههه
المخلصة لكم للابد والتى تسعد دائما بقربكم منها
(فلورندا)

[color:f065=blue:f065]

السلام عليكم ورحمة الله وبركاته
تمام يا لحظه كل لحظه بتعدى من عمرنا احنا مش عارفين قيمتها الوحشة قبل الحلوة
وفعلا اليوم ده ف حد ذاته حلو لانك كان معاكى اتنين صحابك ربنا يخليكوا يارب لبعض تخيلو ا لو كل واحدة فيكوا كانت لوحدها او اشتغلتم وحصل لكم زى ما حصل معايا
ساعتها فعلا كنتم هتتضيقوا اكتر لانكم كنتم هتشيلوا مع زعلكم تانيب الضمير اللى معايا لحد اللحظة دى رغم ان الموضوع عدى عليه يجى سنه
كونى متاكدة تماما يا خوخة ان اللى حصلك ف ثانية معينه هو كان احسن حاجة ممكن تحصل ف الثانيه دى لان ده قدر وربنا دايما بيعمل لنا الخير
وبعدين صحيح زى ما فروته قالت انتى كنتى ناويه تقطعى عيش الخلق وولادهم يتشردوا ولا ايه
وبكرة هتبقى اجمد صحفية ف مصر واحسن منهم كلهم كمان
السلام عليكم يا احلى منتدى

السام عليكم


متشكرة جدااااا لردودكم اللي زادتني ثقة علي ثقة وامل علي امل
بجد ردودكم دي رجعتليحاة كانت ضايعة مني
وعلي فكرة انا ماياستش
بافكر اروح تاني
بس بلاش الاخبار والاهرام والجمهورية لانهم مش المستوي اللي يليق بيا
اكتفي اني اروح صوت الشرقية
وطبعا كلكم تعرفوها
جريدة محلية
مية في المية
وبعدها نروح للجريدة القومية
نبدا خطوة خطوة


وشكرا ليكم ولردودكم الجامدة دي
سلام

نسيت اشكر حضرتك دكتور احمد عالكاريكاتير الجامد دا
اللي ماشي مع الواقع بتاعنا
وفعلا ناس كتير بتفكر وبتقول ان اللي متعلم دلواتي وفي الزمن دا بقي زي اللي مش متعلم
وكلهم سواء بجد حاجة تكسف




وانتي يا جورنالست انا معاكي وان شاء الله نعمل مجلة بتاعتنا خاصة بينا
بس ربنا يستر ومحدش يعارضنا مانتي عارفة الاوامر والحاجات الروتينية دي
وشكرا لكلامك دا فانتي من احدي صحفيات المستقبل
وربنا يوفقك يارب



ويا فلورندا
انا طويت الصفحة دي منذ زمن بس باطلع الكبت بس
عادي يعني
وان شاء الله المرة الجاية نروح ماسبيروا بم انك اذاعة



ومنورة يا فروتة موضوعي
وبعدين اهو ولا عرفنا نشتغل هناك حتي عمال مش صحفيين
يلا ربنا يوفقنا جميعا



سلام

سلام
والله احساس جميل وافكار حساسه ومهمة
ان الله لا يغير قوما حتي يغيرو ما في انفسهم
اتمنة لك كل التوفيق و الإزدهار وتحقق كل ما تردين الوصول اليه
تحياني

السلام عليكم ورحمة الله وبركاته
بصى يا خوخة انا حبيت انصحك نصيحة لوجه الله
بلاش صوت الشرقية واسال مجرب
المفروض الواحد يحاول بقدر الامكان يبعد عن الجرايد القوميه تماما لانها هتخليه يحس بتانيب الضمير ف كل لحظة ف حياته
ع العموم انتى طبعا تجربى يمكن يكون حالهم اتعدل ولا حاجة
وسلامى لاحلى منتدى
سلام عليكم