بتحلم بأيييييييييييييييييييييييييييييييه؟؟؟؟؟؟؟؟؟؟؟؟؟

بتحلم بأييييييييييييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟

في عصر توقفنا فيه عن الأحلام والطموح وفى اكتر وقت نحتاج فيه لان نحلم ونرسم لنا مستقبل وكيان وأمل سواء لأنفسنا أو لبلادنا اكتفينا بنظرات السخرية لأنفسنا ولغيرنا من الناس الذين لم يفقدوا الأمل في أنفسهم أو في أحلامهم كلمات كثيرة تصيب بالإحباط وكلمات أصعب تقضى على اى بريق أمل من منا لم يعد يسمع في حياته سوا تلك الكلمات (الوسطة _ الكوسة _المحسوبية _الرشوة _بيع الضمير_ دا فلان له ضهر _عمرنا ما هنكون حاجة _ما تحلمش لحسن تتعب _أوعى تدخل المجال اللي بتحبه ادخل المجال اللي يشغلك _طيب وبعدين ...................................) فضلنا كده لحد ما الحمد لله قضينا على أحلامنا ولغينا اى التزام مننا للحياة واكتفينا بأننا نلقى اللوم على غيرنا هرجع تانى وأقول طيب وبعدين ............. أنا فكرت في الموضوع ده علشان نتكلم شوية عن أحلامنا بجد كفاية سلبية واستسلام لواقع إحنا ممكن نغيره بإيمانا وبعملنا تعالوا سوا نفكر بعض بأحلام حلمناها يمكن وإحنا صغيرين أو أحلامنا دلوقتى سواء لينا أو لبلدنا وأوعى حد منكم يخاف يقول هو بيحلم بأية لحسن حد يتريق عليه لا أنت لازم تعبر عن نفسك وتقول حلمك إيه مهما كان حلمك بسيط أو بالنسبة لغيرك تافه فأنت لازم تفخر بنفسك انك لسه قادر تحلم في وقت الناس من كتر ما بطلت تحلم فيه نسيت ازاى تحلم لنفسها أو حتى تحلم لأولادها اقرب الناس ليها علشان كده أتمنى إن اى تعليق هينكتب للموضوع ده تقولولى فيه أحلامكم إيه وازاى نساعد بعض في تحقيقها زمان كلنا كان نفسنا نبقى حاجة كبيرة قووووووووووووووووى ( اللي نفسه يكون عالم واللي نفسه يكون طيار واللي نفسه يكون دكتور أو أديب أو كاتب أو ظابط أو حتى رئيس جمهورية ...........) لسه في وقت علشان نحقق أحلامنا بجد وكمان علشان نساعد بعض في رسم طريق لبكره لو مش عارف تحقق حلمك ازاى قولنا وإحنا نساعدك في تحقيقه بس أمانة على كل اللي هيقرأ الموضوع ده أرجوك أوعى تبطل تحلم أو تخاف في يوم انك تحلم .أرجوك احلم لنفسك ولبلدك ولأخواتك وأصحابك احلم على قد ما تقدر وإحنا ممكن نساعدك في أحلامك .
هاااااااااااااااااااا بعد الكلام الكتير ده يارب تكونوا اقتنعتم بفكرتي أقولكم حاجة ما تيجواااااااااااااااااااااااااااااا نحلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا يا فلورندا زى ما انتى قولتى قتلوا احلامنا والحمدلله وبدل ما تيجى نحلم تتقال لنا بقى فالقرن 21 بيقولوا ما تيجى نرقص والحمدلله الشعب مش بيتأخر فالحكايه دى ههههههههه

اما بالنسبه لاحلامى
فأولا قبل ما ادخل طب كنت وانا صغيره بحلم بحاجات غريبه كنت عاوزه ابقى حاجه مناقضه للوضع يعنى صحفيه مضيفه شرطه يعنى حاجه غريبه مش تقليديه
بس لما ادركت الوضع ملقتش غير الطب

المهم انا حاليا بقا بحلم وربنا يكرم اننا ربنا والرسول يكونوا راضين عنى واننا لما اموت ابقى فالجنه اما الامور الدنيويه فبحلم اخلص دراستى واتخصص تخصص حلو يريحنى واكون دكتوره شاطره
بحلم اكون مستقره مابين شغلى وبيتى مش عاوزه اخسر اى حاجه من الاتنين
ودا تقريبا احلامى فاللحظه دى لو جد هبقى اقولك
وشكرا على موضوعك
سلام

رااااااااااااائع يا فلورندا

بجد باحييكي علي اسلوبك الحميل دا والبسيط

وفعلا الموضوع دا مهم جداااا اننا نناقشة وخصوصا الايام دي

وفي العصر اللي احنا فيه دا

عصر الكوسة والمحسوبية والوسطة

في عصر يرفع راية ((لك وسطة يابني سير علي بركة الله مالكش اقعد جمب امك احسن ))

وهو دا الواقع اللي احنا عايشينه فعلا يا فلورندا من غير مانخبي ونقول لاء بص لقدام وسطة اية بكرة تكبر بمجهودة وارادتك وعزيمتك باقولك دا كان زمان مش دلواتي

الزمن بتاع الاجتهاد والعزيمة افتكر انه اتغير لزمن الكوسة والبتنجان

علي فكرة وانتي عارفة كويس انا من حيث الاحلام فانا باحلم

وباحلم بحاجات توديني لعالم تاني عالم خيالي وبرضة واقعي

بس فيه عدة تجارب حصل خليتني احلم علي قدي واخليني امشي ورا العالم اللي انا عايشة فيه

وانتي عارفة كويس تجربة من التجارب دي فعلا هدتني

بس اقولك علي حاجة

انا هاحلم وهاحلم وهاحلم

ولكل مجتهد نصيب وليس لكل واسطة نجاح

وانا باحلم ان اسمي يكون في جريدة لها اسمها وقرائها

وباحلم بالشهرة لاني باحب الشهرة جدا

ماتقوليش زي ايهاب توفيق ولا حمادة بتنجان

لااء شهرة شريفة يا امي

معلش طولت عليكم بكلامي

لكن كان لازم اقول كل حاجة خاصة بموضوع الاحلام دا

ولو اني ماقولتش كل اللي في قلبي

بس ليا رجعة تانية

لاني حسيت اني باهيس

وشكرا ليكي يافلورندا مرة تانية

سلام

انا سعيدة جداااااااااا اننا بدأنا نتكلم عن احلامنا وعن نفسنا بعد ما تقريبا نسينا اننا عايشين وبعد ما نشعر بقليل بالامل والمشاركة فى الاحلام هرجع تانى واطلب منكم واقولكم بتحلموا بأيه لاصدقائكم ولاهلكم ولبلدكم ولو قدرنا نحلم تانى بجد وبحماس هنكون قطعنا مشوار طويل قووووووووووووووى فى تحقيق احلامنا وربنا معانا ويوفقنا ولو مقدرناش كفاية اننا قدرنا نحلم وعشنا لذة احلامنا وعرفنا ان دايما الامل موجود.
اما بالنسبة لغادة مينفعش فى موضوع زى ده امر على كلامك كده من غير تعليق انا حاسة فى كلامك بعدم رضا واقتناع واستسلام للامر الواقع جميل اننا نقول الحمد لله بس مش عارفة ليه حسيت فى كلامك انك فى المرحلة اللى قررتى تدخلى فيها كلية الطب مكنش عندك حلم ولا رغبة فيها ولا فى اى شىء تانى دى مرحلة عدت فى حياتك وانا مش هكلمك عنها بس مش عارفة اقولك كويس ولا وحش انك قدرتى تبنى احلامك على امر انتى مش مقتنعة بيه من الاول ولا اقولك كويس انك قدرتى تحلمى تانى مش عارفة اقول ايه غير ربنا يوفقك وسؤالى هو .
تفتكرى ايه اللى ممكن يعكر صفو الاستقرار اللى انت بتتمنيه وبتحلمى بيه وفى نفس الوقت هقولك استعدتى ازاى علشان توصلى للمرحلة دى من الاستقرار وياترى بتخططى لاحلامك ولا سيباها على الله وزى ما تجى تيجى.
احلى سلالالالالالالالالام لاحلى غادة وربنا يوفقك وكل سنة وانتى بخير.
فلورندا.

شكرا على كلامك يا خوخة كلامك جميل وشكرا على مشاركتك.
وقبل ما اعلق على كلامك مش عارفة المرة اللى تقوليلى فيها انا حاسة ان تعليقى مش حلو وكلامى مش منطقى ومظبوط ابص الاقى تعليقك رائع وعقلانى ومنطقى وافضل من التعلقات الاخرى وعلشان تتطمنى تعليقك عجبنى جدااااااا بجد.
اما عن حلمك فأنا هقف عنده شوية لانه مختلف عن حلم غادة حلم غادة بشوية مجهود وتركيز وثقة ممكن يتحقق اما حلمك انت صعب شوية خاصة بعد لستة الصعوبات اللى انتى قولتيها ومع ذلك انا عاوزة اقولك حاجة مهمة لو قعدتى تفكرى كتير فى الحواجز اللى هتقابلك عمرك ما هتبقى حاجة ابدا لان كل حاجز بتفكرى فيه بيبنى جواكى حاجز نفسى اكبر من اللى موجود فى الواقع خلى عندك ايمان بالله ان الله لايضيع اجر من احسن عملا ولو نوينا اننا بجد عاوزين نعمل خير عمر ربنا ما هيتخلى عنا ابدا احنا صحيح محتاجين كتير قووووووووووووووى علشان نبقى حاجة بس كفاية اننا عندنا رسالة وايمان بالله وبنفسنا ولو فكرتى معايا بالمنطق ده دايما هنشوف النص المليان من الكباية مش النص الفاضى وافتكرى دايما ( من يتق الله يجعل له مخرجا) فاوعى تفكرى تانى فى الكوسة او الوسطة فكرى معايا ازاى نقدر نتقى ربنا بجد علشان ربنا يوفقنا ويدافع عنا (ان الله يدافع عن اللذين امنوا) اوعى تنسى كلامى ومتنسيش كمان مرة لما كنتى زعلانة شوية وكلمتينى فى التليفون وقلت لك تقدرى تعملى كذا وكذا لو فاكرة المكالمة هتفهمى كلامى والحمد لله كلامى صدق فى نتيجتك السنة دى وبقيتى حاجة حلوة وزى ما كنتى بتتمنى صح.
اتمنى ان همتك دلوقتى تكون ارتفعت وقررتى انك تحلمى على اساس سليم مش حلم عند وخلاص.
احلى سلالالالالالالالالالالالام لاحلى خوخة وربنا يوفقك.
فلورندا.

هكرر الحلم بتاعي

كماننا

كماننا يا كيلر مرة واحدة ليه التعجيز ده نجيب لك كماننا منين احنا Crying or Very sad

حسبى الله ونعم الوكيل Sad

وقبل ما أمشى عندى ليكى سؤال اخير . Suspect

مفيش حاجة هنا I love you

ههههههههههههههههههههههههههه تصبحى على خير .
احلى سلالالالالالالالالالالالالام.
king

فلورنديتا. Smile

فيييييييييييييييييييييه

صرصااااااااااااااااااااااااار

صرصار يارب ياكلك يا كيلر .قلبتى الموضوع لفرفش .
ههههههههههههههههههههههههههه
Laughing

ههههههههههههههههههه

ربنا يخليني

عدوا الجمايل بقى

فرفش مين ؟

وصرصار ايه؟

انتوا مين ؟

نستونى انا كنت جايه ليه ههههههههه

بصى يافلور انا مش زعلانه انا بحب الطب يمكن مكنش رغبه بس انا حبيته دلوقتى متخيلش نفسى بأى مكان تانى
فالبدايه كنت زعلانه دلوقتى لآ انا راضيه طبعا وبتمنى اكمل فيه وابقى حاجه عدله

بالنسبه لسؤالك اللى يعكر صفو الاستقرار هو عدم المساواة بين حياتى وشغلى لو جيت على اى ناحيه العمليه هتبوظ خالص
فلازم اظبط الامور بينهم عشان يبقى فى استقرار وفنظرى دا الصعب فى حياه اى دكتوره

اما التخطيط فحاليا مفيش تخطيط المهم اخلص دراستى واكون خلصتها كويس يعنى اطلع فاهمه الطب واقدر امارسه
بس صدقينى انا ساعات بفكر لبعد الدراسه كل شويه اطلع بفكره فالبيت
موضوع هعمل ايه بعد التخرج ده مقلقنى خاصه كل حاجه واقفه على التحضير مش بس التخرج يعنى بفكر وارجع ايأس وهكذاااااااا
وسلام يافلور

بجد يا غادة ان شاء الله هتبقى حاجة كبيرة جدااااااااااا اى حد بيقلق على مستقبله زيك كده مسيره يكون حاجة فى يوم من الايام بس تفتكرى ممكن فى يوم من الايام احلامك الجميلة دى تبقى شىء تافه بالنسبة لك تفتكرى دا ممكن يحصل ولو حصل سبب ده ايه وياترى بتعرفى تحلمى لغيرك زى ما بتحلمى لغادة ؟؟؟؟؟؟؟؟؟؟؟؟؟
فى انتظار مشاركتم احلامكم فلا تبخلوا فى الاحلام فما زالت مجانية؟؟؟؟؟؟؟؟؟؟؟
احلى سلالالالالالالالالالالام.
فلورندا.

السلام عليكم

انا داخله ابدى اعجابى بموضوعك يالحظه

فعلا موضوع جميل زى ما انتى معودانا

وفعلا احنا محتاجين نقول احلامنا ماهى احلام وياريتها تتحقق

عموما ليا داخله تانيه بس انا قولت لازم ابعبر عن الى جوايا واقولك موضوع هااااااااااااايل

وسلالالالام مؤقتا

السلام عليكم ورحمة الله ..
تحياتي للجميع من أول مشارك العزيزه فلورا لآخر نفر داخل يقرا , كل سنة وإنتوا طيبين ...
بـ أحلم بإيه ؟؟ ده سؤااال لااااتشيف , هو مش لطيف قوي يعني بس مهم في حياة أي بني آدم , لأن من غير حلم مفيش طموح ومن غير طموح مفيش مستقبل أو فيه مستقبل لكنه مظلم كالح السواد بعون الله.
أنا بيتهيألي إن قبل الواحد ما يحلم , لازم الأول يعرف نفسه , مش هقول يتصالح معاها لأنها بقت صعبه , بس يفهم هو مين , عايز إيه , وأهم حاجه يقدر يعمل إيه , علشان ما يعملش زي أخينا دون كيشووت , ويقعد يبارز في طواحين الهوا ...
أنا بحلم لنفسي حلم بسيط جدا , عايز أعيش أنا وكل الناس اللي بحبهم في مكان واحد , يمكن علشان أنهكتني غربة أصدقائي المقربين وأخواتي عني , بقت دي حاجه ملحه بالنسبة لي , وطبعا مش هنقدر نعيش في مكان واحد إلا إذا إستقرينا وتظبطت حياتنا , وده إللي إحنا بنسعاله إن شاء الله إنه نقدر نعمل مشروع ما يلمنا إحنا الكل , وبالمناسبة عدد الناس اللي بتكلم عنهم مش كتير يعني ..
طبعا نفسي أعيش في مكان واسع بيت كبير وجنينه خضرا مد البصر , عيالي تجري حواليا أو ورايا ما تفرقش كتير , يمكن علشان أنا تربيت في بيت زي ده ومازلت .. ونفسي أقدر أعيِّش ولادي اللي لسا في علم الغيب زي ما عشت أنا وأكون ليهم نعم الأب كما كان والدي رحمه الله , ونفسي أكون لمراتي إللي لسا في عالم الغيب برضه نعم الزوج , بإختصار نفسي في بيت مستقر و أورطة عيال متربية زي ما ربنا أمر , وإن شاء الله قريب أقدر أحقق الحلم ده ...
بحلم أكون ناجح في حياتي المهنية _ بجانب شغلي مع أصدقائي _ , وبكاحر والله وبطور من نفسي في شغللي بإستمرار وربنا يوفق .
بالنسبة لغيري ,,
بحلم إن الناس تفوق وتعرف فين الصح من الغلط , وتيجي على نفسها شوية وتحاول تخاف من ربنا وتعمل لدنيتها ولآخرتها ..
و ..... بس , يمكن لما أفتكر حاجه تانيه أرجع أقولها علشان أنا تقريبا نمت .. تصبحوا على خير .

السلام عليكم ورحمة الله
انا احلامى بسيطة تتلخص ف ان كل حاجة ترجع لاصلها
حلمى يبقى الانسان فعلا انسان
والعالم يرجع عالم مش غابة زى دلوقت
نفسى ف امان
حتى الاسلام محتاجين نفهمه صح زى زمان
محتاجين علاقتنا بربنا ترجع
علشان يقوينا ع الايام
مش هاقول عايزة يوتوبيا لكن ع الاقل عايزة حياه
بخير وشر مش بشر بس
يمكن تكون احلامى تقريبا كلها بتدور ف فلك واحد
ان احنا نحس ان ربنا كرمنا وخلانا من البشر فلازم نكون بشر وما ينفعش نصبح حيوان
سلام عليكم

السلام عليكم

موضوعك رائع يا فلورندا ودي مش حاجة جديدة عليكي طبعا انا معجبة قديمة شوية بكل كتاباتك

أما عم أحلامي فأنا أحلم بيوم لا مكان فيه لشيئ اسمه الواسطة لأنني فعلارأيت ضحايا في لهذه الجريمة وهم في حالة انهيار لان هناك من أخذ مكانهم دون استحقاق فقط لأن لديهم واسطة

وبأحلم كمان اني لما أتخرج ان شاء الله اني أشتغل مدرسة انجليزي في الثانوي وأستقر بقى في حياتي وبعد كدة أبقى أكمل دراسات عليا يعني ماجستير دكتوراه حاجات زي كده يعني

هو دة اللي انا باحلم بيه في الفترة دي اذا جد جديد حابقى اقول مش حاخبي حاجة

يلااااااااااااا سلاااااااااااااااااااااااااام