كتاب جديد 2

السلام عليكم ورحمة الله وبركاته وحشتونى جدا والله بس اصل النت كان معلق وكل سنة وانتم طيبين وواكلين كحك دايما قولوا امين المهم مقوله قديمة كل اللى ليه ف عالم الغموض والرعب عارفها اوعى تبص وراك لو حسيت بحركة غريبه او لمحت حد بيعدى وانت قاعد لوحدك تماما واياك تفكر انك فى اى لحظة ف حياتك لوحدك لان دايما بيبقى فيه مخلوقات تانية فلازم تكبر وتعدى والا ....انت عارف
ولان القواعد اتعملت عشان اكسرها فا انا وبرغم كل التحذيرات طلعت رحلة بس الرحلة كانت لتحت فممكن نقول انى نزلت رحلة تحت سريرى وتحت سريرى عالم تانى اوعوا تفتكروا انه سرير عادى وان اللى تحته فئران او حتى عفاريت لان اللى تحت سريرى اكبر من اى تصور تحت سريرى اتعرفت على الكائنات الفضائية ودى على فكرة حكايه حقيقية صحيح ما كلمتهمش بس يكفينى انى اعرفهم من بعيد.....الحادثة بتبدا بسفينة فضائية استكشافيةحصلت لها اصابة لما اخترقت غلافنا الجوى وارتطمت بالارض بصوت رهيب واضاءة هائلة قلبت الدنيا والحكومة احاطت بالموضوع وكل اللى شاف اتاوى وعملت حظر تجوال للمنطقة ولقوا كائنين فضائيين واحد كان مات والتانى كان لسة عاش لقترة الله اعلم قد ايه واتعمل فيلم وثائقى لعملية تشريح جثة اخينا اللى مات ده غير التكنولوجيا المتطورة اللى لقوها ف السفينة واللى ما حدش عرف عنها حاجة طبعا لان الحكومة دارت على شمعتها عشان تقيد وبقدرة قادر بعدها اتحولت مدينة الكاوبوى لاعظم قوة ف العالم وما حدش عارف هل لتكنولوجيا الفضاء فضل ف ده ولا لا وللحظة كتابه هذه السطور الحكومة لسه بتحاول تخبى بس مع تساهل اكتر من وقت الحادثة طبعا خاصة ان فيه علماء كتير وناس اكابر كتير اكدوا الحادثة وفية منهم اللى الدبان الازرق ما عرفلوش طريق لسه ممكن نبقى ندور عليهم بعدين......ودى كانت حادثة روزويل الموجودة فى احد كتبى الموجود تحت سريرى ولانى زى ما قلت ان تحت سريرى عالم تانى عجيب كله غموض انا ممكن اكمل لكم موضوع الكائنات الفضائية خاصة ان فيه منهم اللى ارسل رسلئل للبشر او ممكن اقول لكم حادثة حقيقية تانية عن سر تانى لو تحبوا المهم اربطوا الاحزمة كويس عشان الرحلة الجاية احتمال الطائرة بتاعتنا تختفى ف منطقة الغموض وحوادث الاختفاء الاكثر شهرة اللى حصلت ف ........بس دى حكايه تانية نحكيها المرة الجاية واوعى اوعى .....تبص وراك
سلام عليكم