اول مقابلة لاعضاء المنتدي

السلام عليكم

ازيكم يا جماعة

انا جيت النهردة ومعايا موضوع هيعجبكم اوي اوي

وهو اول مقابلة لاعضاء الممنتدي اللي زي العسل دا اللي منور باعضائه الكرام

واتقابلنا كلنا

ضياء

غادة

كيلر

فلورندا

شيماء الصباغ

انجي

نور

ياسمين

قمر المنتدي

حنان ميديا

وكان حتة يوم

زي العسسسسسسسسل

بجد كان يوم لذيذ اوي اوي اوي

وكلنا فرحنا فيه دون استثناء

وكان مسار المقابلة دي عند عم عبدالهادي اللي بنجيب منه الكتب طبعا كلنا عارفينه

واتنقلنا كلنا من هناااااك بعد ما لمينا نفسنا كلنا

وقولت لازم نروح نشرب شاي وناكل بسكويت قبل مانروح لطب عند ماما امينة

في المكتبة المركزية

بجد انا شخصيا بحبها موووووت وباشكرها جدا جدا جدا لانها بجد ام زي العسل

وياتري اية انطباع الباقي اللي شافوا ماما امينة ؟

المهم بعد مااخدنا قعدتنا عند ماما امينة

وفتحنها الهدية اللي مي جابتها لفلورندا غصب عن فلورندا عافية يعني

وهي تقدر تقولنا لاء

وشوفنا الهدية

وكانت عسل عسل عسل

كل سنة وانتي طيبة فلورندا

وبعد كدة توجهنا كلنا لكلية طب

رايحين لضياء وكيلر وغادة دكاترة المستقبل

ولعبنا واتصورنا كلنا

وكانت صور زي العسل بصراحة

وتناقشنا في افكار كتيرة تخصنا وتخص المنتدي

بس احلي ما في الموضوع الكاميرات بتاعت حنان وغادة

والصور عسسسسسسسسل عسسسسسسسسسسل

وادي صورة من الصور

للفريق كله

كنت متخيلة تشوفي حاجة

لاء انسسسسسسسسسسسي

عايزين فلورندا تقتلني

المهم

بعد كدة اليوم خلص

وبجد كان يوم حلو اوي اوي

ومنتظرين ليوم تاني نتفق عليه كلنا علشان نقابل بعض

صحيح كنت هانسي

ان اليوم انتهي بخناقة حلوة اووووووي

واللي عملتها

اقول ماقولش

مش مهم

علشان ماتقتلنيش

اكيد عرفتوا هي مين

ومنتظرة اعرف رايكم في المقابلة البسيطة دي ؟

واعرف رايكم بالتفصيل في كل حاجة حصلت واحنها هناااااااك

سلام

السلام عليكم

فعلا يا خوخه كان يوم جميل اوووووووووووووووووووووووووى

كان ناقص باقى الاعضاء

والحمد لله ان الخناقه انتهت من غير دم

ههههههههههههههههههههههههه

بس بجد انا حبيتكم اوووووووووووووووووى

على الرغم انكم ضيقتونى شويه

بس حصل خير

ويا رب ديما نكون سعده واجنا مع بعض

ونشوف بعض قريب ان شاء الله

سلالالالالالالالالالالالالالالالالالالالالالالام

لاحلى اعضاء

وانا كنت مستنيه الصوره يا خوخه

بس مش مشكله

مى هتبقى تبعتهم ليا

اللى عاوز يشفهم

يشوف هيدفع كام كده

ده هيشوفنا يعنى لازم يكون مبلغ وقدره

سلالالالالالالالالالالالالالالالالالام

هههههههههههههههههههه يا مجرمة يا خوخة بقى انا اقول فكرة الموضوع علشان انتى تنزليه وتسيحى كده مااااااااااااااااااااشى الايام بيننا والافكار كتيرررررررررر ههههههههههههههههههه لا بجد كان يوم رائع جداااااااااا واحلى ما فيه قمرات المنتدى وكويس انك نزلتى الموضوع علشان انا عاوزة اتكلم فى اهم نقاط اليوم سريعا جداااااااااااا وقبل ما اتكلم هقول والله كان يوم لذيذ جدا بالنسبة لى وقمرات المنتدى نوروا الدنيا النهاردة وانا كنت فى منتهى السعادة بيهم بجد اما عن طانط امينة والدة مى فا الله يكون فى عونها مننا والله انا مش عارفة اشكرها ازاى وكفاية انها مستحملنا ومستحملة مى هههههههههههههههه والله انا مش عارفة من غيرها كان طعم الجامعة هيكون ازاى .وانا مش عارفة ليه بتقولوا خناقة دى كانت مناقشة ظريفة جدااااا كل واحد حاول انه يعبر عن رأيه بحرية لاننا احرار ومخيرين وملخص الخناقة سريعا زى ما بتقولوا انه انا انتقدت بعض الاوضاع اللى مش عاجبنى فى المنتدى زى .
1_موضوع الصور الشخصية وانا بشكر مستر احمد جدا على انه شال صورته وجاب صورة سارة العسولة وكان رأى المعظم ان دى حرية شخصية وان الصور الباقية كانت افضل من الصورة الاولى وان الاولى بس هى اللى سابت انطباع مش لطيف بالنسبة لهم انا عن رأيى الشخصى كل الصور واعذرنى يا مستر احمد كانت مضايقنى وكلهم انطباعهم كان عندى واحد وبشكرك تانى على انك شلتها وعلى هذا بطلب من الاستاذ (ماد الرومانسى ) انه هو كمان بغير الصورة اللى مش لطيفة اللى هو حطها لانها عملى لى انطباع مش لطيف خالص واكون شاكرة لو فى سرعة فى التنفيذ .
2_بالنسبة لموضوع الاعضاء والاشراف فأنا فى الحقيقة شايفة ان فارس الرومانسى هو كمان يستحق الاشراف وتغيبه فترة عن المنتدى فده معناه انه اكيد بيمر بظروف صعبة ولازم كلنا نكون جنبه والا منبقاش اخواته بجد وهو بجد عضو هايل ويستحق الاشراف من زمان اما عن قررات الادارة فانا مش هقدر اتكلم عنها ضياء ان شاء الله تدخل وتقول هى شايفة ايه هى وخوخة طبعا.
3_بالنسبة لعمرو اكيد هو يستحق الاشراف جدا بس يا عمرو بالنسبة للمواضيع بحس انها ساعات كتير بتحتاج لمناقشة منك ومحتاجة رأيك انا اول مرة اعرف النهاردة ان حضرتك تفرغت للمنتدى ودا شىء اشكرك عليه لكن ساعات بحس انك لازم تتكلم وتقول حاجة غير شكرا على ردودكم خاصة فى الموضوعات ذات الملفات الشائكة مثل(التسبيح على المنتديات حرام) انت حد كويس يا عمرو وانا بشكرك جدا وانا عارفة انك بتدخل على النت من سيبر مخصوص علشان تفيدنا جزاك الله عنا خير وانا اكون شاكرة لو وضعت كلامى فى الاعتبار.
فى الحقيقة الارهاق الرهيب اللى انا فيه من اليوم الجامد جداااااااااا ده مش مخلينى اقدر اركز كويس وعلى هذا انا محتاجة اسبوعين نوووووووووم علشان اقدر افوق .بس اليوم بجد كان لذيذ واغرب حاجة حصلت لى النهاردة المتحف الغريب اللى دخلته فى طب سبحان الله على اللى شوفته مش مخلينى اقدر اتلم على نفسى لحد دلوقتى ربنا يسامحك يا مى على انك شجعتى ضياء انها تدخلنى انا وانتى والحمد لله انى مش فى طب والله نعمة كبيرة وادعولى انسى اللى شفته على خير بلا اطباء نفسيين ههههههههههههههههههه.
الجميلة انجى _ نور الدنيا _الساحرة الكيميائية_غدغود_كيلر _روح قلبى حنون _قمرى انا مى _وطبعا ضوضو حياتى _وحبى خوخة .كان يوم زى العسسسسسسسسسسسسسسل وعمرى ما هنساه وربنا يديم بنا المحبة والخير .
احلى سلالالالالالالالالالالالالالام لقمرات المنتدى.
فلورنديتا.

مااااشي ماااااااااشي

كنت عايزة اجي معاكم

وان شاء الله هاجي المرة الجية

بس ابقوا قولو لضياء وخوخة

فوفا

سلام

انا مش هارد غير انى غير الصوره مش علشان طلب حد

لان ببساطه احمد مش اول مره يشتغل على منتدى

اه انا مش صاحب منتدى انما اكبر المنتديات كنت شغال عليها يا فلورندا

و موضوع التوقيع ده شئ عادى

موضوع انك متايقه ففيه ابوشن فى الويندوز انك تلغى ظهور الصور لو عايزه اقولك عليه

موضوع الاشراف مش هاتكلم فيه

اللى هيتكلم فيه ادارة المنتدى او باقى الاعضاء

لان دى مهاجمه صريحه ليا

بخلاف الكلام الحلو اللى فى موضوع عيد الميلاد

مش عارف ده بقى يبقى اسمه ايه

و اكيد حصل اكتر من كده فى الجامعه

بس كفايه كده قوى

بعد اذن الاعضاء انا بطلب اعتذار

أهلا يا شباااااااااااااااااااااااااااااااااااااب

و جاااااااااااااءت كيلر

طبعا أنا اتبسطت جدا جدا جدا تلاتلاف جدا عشان شفتكم

ههههههه

كل ما افتكر البت فلورا و هي بتقول لي انا طالبة في سنة أولى و بتسأل عالمدرج

و البت ضياء تقول - و للا مش فاكرة باينها خوخة - واحدة بتسأل عالمدرج

لا و إيه

أنا عمالة أوصف بذممممممممممممممممممممممممممممممة

بيشتغلوني يعني

و بعدين فلورا تقول لي انتي مش حاسة بحاجة هنا

و بتشاور على قلبها

و أنا فاكراه صرصار عالبلوزة و كنت بجهز نفسي للصوييييييييييييييييييييت

هههههههههههههههههههههههههههه

و نور و انجي و شيماء اللي عمالين يقولوا خمني احنا مين

طبعا ربعت عالأرض و قعدت أفحص و أمحص

طلعت نور من إيدها عشان مخطوبة

و انجي اختها معرفتهاش من شوشو مع ان انجي شبه نور خالص

معلش يا دماعة العتب عالنظظظظظظظظظظظظظظظظظظظظر

بس الشهادة لله

حنان أنا عرفتها على طووووووووووووول

من غير لف و لا دوران يعني

و مي برضه

افتكرتها على طول

اصلمنا مره لعبنا كوتشينة انا و هي و خوخة في حرم الجامعة قبل كده

ملخص القول

كان يوم جميل قوي

و يا ريت يتكرر و انا فرحانه بجد بجد عشان شفت الكل

ده حتى الناس بتقول لي انتي باينك فرحانه و رايقة النهارده ليه

شايفة حد؟

أقول لهم طبعا شايفة اغلى النااااااااااااااااااااس يا ناااااااااااااااااس

ملاحظة : انتم اللي نقيتم يوم انا كنت مبهدلة اخر بهدلة فيها

كنت جاية من محل الملابس الرجالي رأسا

طب مش كنتوا تكحوا كنت عملت حسااااااااااااابي و اتشيكت

ما علينا شفتونا عالطبيعة

اه صحيح

أنا معرفش طنط أمينة يا خوخة يا خاينة

ابقي عرفيني عليها

و اه كمان

تتصوروا من غيري

و الله ما كان العشم

و خناقة ايه دي كفا الله الشر ؟؟؟؟؟؟

طب عرفوني

احنا اجدع ناس تهدي نفوس في بر مصر كله

هنولعها يا ولد

ملاحظة 2 : يا فلورا

ابقي خفي حضنك شوية

كنتي هتموتيني يا بت

و تبقى اول و اخر مرة تشوفيني فيها - بهرج -

هههههههههههههههههه

و يا بت يا خوخة انتي و ضيااااء

ابقوا هاتوا فوفا معاكو و بلاش ندالة الحد الجاي

ماااااااشي؟؟

مفهووووووم؟؟

اه خوخه

مين دي اللي كانت هتقتلك يا بت ؟؟؟

سلام يا احلى ناااااااااااااااااااااااااااااااس

انت كبرت الموضوع قوى يا احمد والظاهر بجد من كلامك انك وصلك كلام مش مظبوط انا موضوع الصورة دى موضوع عام ده مبدىء مينفعش كل ثانية الاقى شاب قدامى وياريت تعذرنى النظرة الاولى ليك والتانية عليك وعلى فكرة يا احمد كل اللى حصل فى عيد الميلاد ده حقيقى مش تمثيل وانا بجد فرحانة علشانك واى اعتراض على اى شىء منك هدخل واقولك لانى مبخفش وانا من الناس اللى بتقول ان الحق مش بيزعل اهدى وركز وسيبك من الكلام الفارغ واعرف ان مش هقول عليك كلمة وحشة فى ضهرك لان دى مش اخلاقى واسأل عنى كويس انا كل كلامى كان مع الادارة علشان الحاجات اللى انا اتكلمت فيها بجد تخص الادارة وعلى فكرة انا اى حاجة قولتها او عملتها على المنتدى ده كانت بصدق وكفاية انك انت اللى كتبت لى عيد ميلادى وده شىء غالى عندى قوى ومش معنى انى انتقد وضع مش عاجبنى يبقى انا ضدك انا مش ضدك يا احمد وهقولها تانى علشان تسمعها كويس انا مش ضدك بس من حقى انى اقول رأيى بصراحة .
احلى سلالالالالالالالالالالالالالالالالام.
فلورندا.

هههههههههههههههههه طبعا لازم فوفا تيجى معانا المرة اللى جاية وانا يا كيلر مكنتش متوقعة انك تكونى بال................... دا انتى مش عاقلة خالص فى حد يقعد على الارض كده يا هانم قال واقولها محاضرة ايه اللى شغالة تقولى محاضرة الدكتورة اسمها ايه (......) كان يوم جميل بجد ونفسى اشوف صورنا جدااااااااااا وعلى فكرة يا كيلر يلا انتى متنفعيش كيلر خالص دا انا قلت هروح هلاقى فى جو رعب وكده لقيتك ............ لالالالالالالالا مش معقول .ضياء خدتنا على المدرج بتاعك واحنا راحين نصلى وقالت كيلر بتاخد هنا ايه دا يابنتى دا اللى قاعد فى الصف الاول كاشف السلم على الاخر علشان كده تلاقى الصف الاول كله مجتهدين هههههههههههههه والمرة اللى جاية هدخلك المتحف واطفى عليكى النور واقفل عليكى الباب بالمفتاح واسيبك واروح وابقى شوفى مين هيطلعك بقى علشان تعملى جو رعب براحتك قال كيلر ها.وقبل ما امشى مفيش حاجة هنا هههههههههههههههههههه
احلى سلالالالالالالالالالالالام لاحلى كيلر مع الوجه الضاحك اللى هى بتحبه .
فلورندا.

السلام عليكم

اولا ياخوخه كان يوم جميل جدا جدا جداااااااااااااااااااااااا

بجد من اجمل الايام وبعدين خناقات ايه ياقمر ده كان نقاش بس هو نقاشنا كده بنضرب فيه با الكراسى

والله وربنا اعلم ان محبتى زادت لكل الاعضاء الى فى المنتدى

با النسبه لموضوع الخناقه ان شايفه اننا اندناله اكبر من حجمه بكتييييييييييير

وبا النسبه لماما امينه بجد ربنا عالم هيا بتحبكوا كلكوا اد ايه لانكوا تستحقوا انكوا تتحبوا

وبا النسبه لمواضيع الخلفات الى انا شيفاها ديه بجد مش عجبنى لان شايفه ان كلنا هنا اخوات

احلى سلام وليه رد تانى ان شاء الله قريب

اهلا اهلا بالعزيز الغاااااااالي

اهلا يا انجي يارب اليوم يكون غجبك

وحضرتك كماناستاذن الامباطور
اليوم كان ناقصك بجد

وانتي يا كيلر اهدي كدة يا قمررررررري
دانتي هتخلي الامن يتقلب علينا
كوتشينت اية
وكلام من دا ايييييييية
لاء كله الا دا

حاضر يا كيلر
المرة الجية هاجيب فوفا معايا
في الشنطة
بس في الفطار
يعني ونغرمك ازاي في رمضان
ذكااااااااااء يا ماما

واللي هتقتلني دي
خليها في سري احسن

سلام

ياباشا خناقات اية

ربنا مايجيب خناقات

واللي بين وبين بعض دا

خلافات بسيطة

وخلاص اتحللللللللللت

وماما امينة والدتنا كلنا مش مامتك انتي بس يا بت
هاااااااااا وربنا يخليهالنا ياااااااارب

ويا فلورندا
طبعا كنتي منورانا النهردة
وانا قولتلك ان التوقيع دا حرية شخصية يا عمونا
يعني ماتكبريش المسائل

اما من حيث الاشراف
فنانا لو مش شايفة ان حضرتك تستاهل ماكنتش ادتهولك
بالعكس ناس كتير طالبت ان حضرتك تاخد الاشراف
وفلورندا كمان بس الاعتارض بتاع قلورندا يا امبراطور
كانت عايزة تعمل شوية تغيرات في الاشراف عموما
ودا حاجة المفروض نناقشها هنا
مع بعض

وان شاء لله نناقشها قريب

وياريت الموضوع دا يتقفل خالص
لان ماحصلش حاجة خالص
وحضرتك اخ كبير لينا هنا
ولو حصل اي مشكلة اكيد هتقف جمبنا وتساعدنا
وكلنا هنلزق فييك ونقول اخونا الكبير
وللعلم انا اكبر من فلورندا
يعني الكبير كبير يا ماما

يلا سلام

السلام عليكم

يا فلورندا الكلام ده مش وقته خالص

واظن موضوع الصور اتكلمنا فيه

وقولنا ان الموضوع ده حريه شخصيه

واستاذ احمد او غيره حر بدال الصوره محترمه

وموضوع الاشراف المشرفين هما اللى يقرروا

ولو عاوز حد يتاسف

فانا اسفه ليك يا امبراطور

ولا اسفى مينفعش

ويا جماعه احنا اخوات

وعمرنا منزعل بعض ابدااااااااااااااااااا

بحبكم اوووووووووووووووى

سلالالالالالالالالالالالالالالالالالالالالالالالالالالام

السلام عليكم

طبعا اول حاجه هاتقولوها
ازاي حاصل كده

؟؟؟؟؟؟؟ظ
خيرية وضياء في وقت وااااااااااااااااحد
علشان تعرفوا ان الكمبيوتر بتاعنا حجم عائلي

بصراحة انا اول ما عرفت ان سيرة المقابلة جت
قلت لااااااااااااااااااااااااااااااااااااااااااازم ادخل واحكي وافضفض
عاللي جري واللي حصل

عاللي جرررررررررررررررري
من مراسيلك

ياجماعة بجد اليوم كان مفاجأه
وكان مهما وصفت يوم جميل جدا رغم الارهاق اللي حصل ورغم انه للأسف كل حد روح بيته من غير ما يسلم عالتاني
لكن طبعا كلنا فاكرين للحظة دي وشوش بعضنا وملامحنا والضحك الجميل اللي كان حاصل والابتسامات اللي كانت من قلبنا بجد

انا والل لو قلت مش هاقدر اوصف
وبصراحة اكتر حاجه حببتني في اللقاء دا
واستمتعت بيها

اني عرفتكم

عرفتكم صح

يعني الحمد لله
الحمد لله

طلعتم اجمل مما كنت متخيلاكم

هاتقولوا ايه الكلام دا

هأقول انه احيانا الناس في المنتديات بتكون بشخصيات مختلفة واراء مختلفة عن طبيعتهم
ولأني قبل كده كنت في منتديات فوووووووجئت بشخصيات غير الي انا كنت اعرفها ومتخيلاها

فلما قابلتكم
لقيتكم اجمل من الشخصيات الموجوده عالمنتدي دا
ما شاء الله عليكم

يارب يحميكم يارب ويحمينا

ومعلش اعذروني اني اوصف فيكم
اصل يقولوا هي بتخطط علي ايه؟؟؟؟؟؟؟

اما بأه لحكاية الاشراف والصور
فانا والله كلمت فلورندا في جمب لوحدنا

واعذروني ياجماعة
فلورندا رأي حاد شوية
لكن ظلمتوها
انتم شفتوني النهارده وعرفتوا اني ماليش في المجاملات ولا هي لها فيها
والدليل
انها

الهانم
الست فلورندا
قال ايه

قال

اني مقصرة في المنتدي بتاعي بتاع التعارف ومتلخبط والمفروض يتشال اشرفي له

مااااااااااااااااااااااااااااشي يافلورندا
المقابلة التانية هاتكون في بيتكم
وهاتتضربي ضرررررررررررررررررررب

اقصد بالكلام دا
انها بتتكلم بشكل عام والله يا احمد اس

اما بالنسبة للصور
فبجد كلنا هنا نحترمك
لأن حضرتك كنت حاطط الصورة الاولي
كانت بحجم كبير
واول ما قلناك تغيرها علشان الاعضاء رافصينها
حضرتك احترمت دا وغيرتها
ودا شيء نشكرك عليه
وفلوردا قصدها بس انا نمنع الصور الشخصية المبالغ فيها
للناس اللي جاية

مش لواحد مننا خلاص عرفنا وهرفناه

يعني برده بتتكلم بصورة عامة

ارجوووووووووووووووووك حاول تتقن هم كل كلمة كتبتها
لأن والله ما حصل حاجه غير خلافات بسيطة كانت فلورندا بتقولها بشكل عاااااااااااااااااااام

ولسسسسسسسسسسسسسسسسسسسسسسه
دي ناوية تعمل برنامج
بلاااااااااااااااااااااااااوي

سترك يارب

يعني دي البداية فانتظرووووووووووووووها
وربنا يارب ما يجيب زعل خالص

ومش هاسيب الاشراف يافلورندا

بصراحة دورت علي صورة الواد اللي بيطلع لسانه مالقتهاش

سلام

السلام عليكم ورحمه الله وبركاته

شكرا يا خوخه على الموضوع ده

فعلا والله اليوم كان جميل جدااااااااااااااا

وكان يستاهل اننا نعمل له موضوع مخصوص

كل البنات كانوا احسن ما كنت متصوراهم

حنان..........انا كلمتها قبل كده

من زمان وبصراحه ما كنتش بحبها قوى

كانت معرفتى بيها سطحيه

لكن بجد لما قابلتها تانى

نظرتى اتغيرت خاااااااااااااااالص.

فلورندا..........ههههههههههههههههههههههههه

كنت برضو عرفاها بس شكلا بس

وانا بضحك لان فلورندا من النوع المناكف شويه

كانت اول ما تقف تسال دكتور

وتقعد تناكف فيه

واول ما تقفتسال

كنت اقول يا ادى اليوم الحلو

ما فيهاش محاضره انهرده

ههههههههههههههههههههههه

لا بس بجد لما عرفتها اكتر حبيتها بجد.

قمر المنتدى..........قمر بجد

بنت دمها شربات ، بجد زى العسل

لطيفه مى لطيفه

هههههههههههههههههههههههه

صح يا ميوئه؟؟؟؟؟؟؟؟؟؟؟؟؟

ضياء.........روحها حلوه قوى وطيبه جدااااااااااااااااا

بجد تستاهل تبقى هى الادمين.

خوخه..........انا اصلا عرفاها من الاول

وزدت شرف لما عرفتها اكتر.

كيلر........ما كنتش متوقعاها انها هتبقى كده خالص

بجد طيبه قوى ودمها خفيف

وعشريه جدااااااااااااااااااا.

غاده.........ربنا يخليها هى اللى صورتنا

ووعدت هتبعت لنا الصور

يعنى هى السبب فى الذكرى الجميله دى.

وايت فلور.......هى شكلها طيب

بس بصراحه ما طولتش معانا كتير.

وكمان كان فى بنت كمان اسمها هبه

هى مش معانا على المنتدى

بس بجد هى كمان انا حبيتها كتير.

وطبعا انجى وشيماء دول روح قلبى

وهم اللى كانوا منورين المقابله اكيد طبعا

ههههههههههههههههههههههه

ربنا يخليهم ليا يارب.

بس انا بقى عايزه اقول حاجه

بجد والله المقابله دى كانت ناقصه

الامبراطور بجد والله العظيم

بس ملحوقه المقابله اللى جايه

هنخليه هو اللى يطلع الرحله بقى

هههههههههههههههههههههههههههه

معلش يا امبراطور على راى خوخه

اخونا الكبير بقى وبندلع عليه

هههههههههههههههههههههههههه.

اما بقى بالنسبه للخناقه

هى والله ما كانت خناقه ولا اى حاجه

احنا كنا بتناقش فى حاجات

وكل واحد قال رايه بحريه وبصراحه

دى كل الحكايه.

المهم فى الاخر اليوم كان جميل قوى

واتمنى انه يتكرر تانى ان شاء الله.

لا اله الا الله

السلامو عليكم

انا مهما اتكلمت عن اليوم مش هقدر اعبر الصراحه

كلكم زى العسل بسم الله ماشاء الله وزى ماضياء قالت اطيب بكتير من عالمنتدى وروحكم جميله

وبالنسبه للنقاش اللى حصل بينكم ومسموش خناقه انا بجد مش حضرتو بس زعلنى فحاجه واحده اننا مش سلمنا على بعض بس تتعوض بأذن الله

اما الصور ....... هتتحمض ان شاء الله كده واظبطها وهحاول اوصلها ان شاء الله
بس طبعا الدفع الاول اه لازم استغل الفرص بابا قبل ما اخرج بيوصينى ان جتلك فرصه استغليها ههههههه وانتوا عارفنى مطيعه جداااااا
بالصلاه عالنبى هنلم دهب ان شاء الله
هههههههههههههه