وحشتون وهاتوحشوني

السلام عليكم

ازيكم ياخواتي

الصغيرين والكبار

انتم فعا لفتر الي فاتت وحشتوني جدا

وكير بابقي نفسي ادخل اعلق عليكم وعلي كل ردودكم لكن ماكنش في نصيب

الظروف مكانتش سامحة والنت كمان ماكنتش باهوب ناحيته كتير

فهاتقولولي ودا يستاهل موضوع خااااااااص لوحده ؟؟؟؟؟؟؟!!!!!!!!؟؟؟؟؟؟؟

هأقولكم استنوا بس

انا داخة لانكم فعلا وحشتوني كلكم
الناس اللي عرفهم من اول يوم فتحنا فيه المنتدي
شيماء ونور وانجي ودنيا وقمؤ المنتدي وفلورندا وكيلر ودكتورة سوما وجورناليست وحنان وغاده وعمرو وغيركم

والناس الجديدة

احمد اس واحمد التاجر وايمن وسندريلا مان وغيرهم
منورين والف مرحبا بيكم

واعذروني اني ما رحبتش في موضوعكم

المهم كمان
انكم كمان هاتوحشوني
لأن الدراسة بدأت
ومعلش دخولي هايقل جدا
ومش هايسمح اني اشارك معاكم دايما

فياريت تفتكروني بالخير

وكل سنة وانتم طيبين

وصحيح بما اني خلاص ماشية
فربنا يكون في عون جورناليست
الادااارة هاتتولاها لوحدها

ربنا معاها ومعاكم ويوفقكم جميعا

سلام

لا يا ضياء مينفعش تسبينا انا مش ممكن اوافق على حاجة زى دى عمر المنتدى ما عطلك عن دراستك دا انتى كنتى بتدخلى فى الامتحانات وربنا كرمك ونتيجتك جت هايلة لازم تفكرى تانى المنتدى ده مينفعش غير بيكى انتى وجورنالست انما حد فيكوا لوحده يبقى ده انهيار للمنتدى احنا مسمحينك على الفترة اللى فاتت انما الفترة اللى جاية احنا محتاجين لك بجد والمنتدى ده اكتر حد محتاجلك فمش تتخلى عنه كده بسهولة مهما كانت الظروف ولو انتى مشيتى مش هيبقى فيه منتدى وهتلاقينا مشينا واحد ورا التانى انتى عارفة ان انتى توازن المنتدى ده فلو مشيتى تبقى بتهديه انا مش موافقة على القرار ده انا طبعا عارفة ان مصلحتك فوق كل حاجة بس انا متأكدة كمان ان المنتدى عمره ما ضر ولا هيضر مصلحتك وانسحابك وغيابك ده مش قرارك لوحدك دا قرارنا كلنا وانا مش موافقة نهائى على القرار ده خااااااااااااااااااااااالص.
سلالالالالالالالالالالالالالالالامى.
فلورندا.

اكيد طبعا يا فلورندا مش موافقين

بس احنا برده لازم نفكر شويه في مصلحه دودو

وبعدين

دودو محتاجه انها تنتبه لدراستها

بالاضافه انها سني خامسه طب يعني

لازم تجتهد عشان نشوفها

دكتوره اد الدنيا في كليه طب

وربنا يوفقها يارب

بس احنا بقي طماعين

وعوزين

لو حتي تبقي تدخلي من فتره للتانيه

عشان اكيد انتي هتوحشينا

وهنفتقدك في المنتدي

يعني لازم حتي تخشي

عشانن تعرفي اخبار المنتدي

ومش تقولي

خوخه هتبلغك باخباره

احنا مش هنتنازل عن

وجودك في المنتدي

وعموما ربنا يوفقك

واعملي اللي تشوفيه في مصلحتك

وكل اللي اقدر اقوله

انتي اكيد اختنا واحنا بنحبك

مش ينفع ياضياء تسيبى المنتدى وبعدين عمره ما هيعطلك عن الدراسه ابدا احنا عمرنا ماهنكون سبب انك تتعطلى عن الدراسه با العكس انتى هنا بين اخواتك وهنشجعك انك تطلعى من الاوائل كمان لكن ماتسبيش المنتدى لان بجد كلنا هانزعل لو مشيتى ياريت تسمعى كلامنا ياضياء
احلى سلام لاجمل ضياء فى المنتدى

السلام عليكم .

ازيك يا دكتورتنا .
منتدى ايه اللى تسيبيه يا ضياء .
مينفعش طبعا .
وانا مش موافقه خااااااااااااااااااااااالص .
احنا عمرنا ما كنت بنعطلك .
انتى كنتى بتدخلى ايام الامتحانات .
والحمد لله ربنا اكرمك بتقدير جميل .
ازاى بقه تقولى انك هتسيبى المنتدى .
مينفعش خالص يا ضياء .
انا مش موافقه ومعترضه وبشده .
صعب اننا نتخلى هن اخت مننا .
ومتقوليش خوخه معاكم .
انتم الاتنين اخواتنا .
ومينفعش حد فيكم يمشى ابدا ويسيبنا .
احنا والله مش عايزين نبقى ضد مصلحتك .
بس مش ينفع القرار ده .
وان كنا سامحنا فى الفتره اللى فاتت .
فاحنا مش مسامحين فى الفتره اللى جايه .
ومش هنتنازل عن انك تكونى معانا ووسطنا .
ونوعدك مش هنعطلك .
ادخلى ولو ساعه واحد فى اليوم .
بس لازم تدخلى .
بجد هازعل اوى يا ضياء .
انا طولت عليكى بكلامى .
بس بجد انا مش قادره اقولك انا زعلت ازاى بكلامك ده .

يارب كلامنا يقدر يخليكى على الاقل تفكرى تانى فى الموضوع .

سلااااااااااااااااااااااااااااااااااام يا احلى وارق دكتوره .
سلاااااااااااااااااااااااااااااااااااااااااااااام يا ضياء .

السلام عليكم

ايه ده يا دكتور مينفعش الكلام ده خاااااااااااااااااااااالص

المنتدى مينفعش من غيرك وكمان اكيد مش هيعطلك عن مصلحتك

انتى عارفه احنا بنحبك جداااااااااااااااااااااااااااااااااا

مش نقولك كل يوم ادخلى خليها كل اسبوع مره مثلا

او فى اى وقت انتى فاضيه فيه

بس مش تسيبينا خاااااااااالص

اتمنى كلمنا ياثر فيكى وترجعلنا

احلى سلام لاحلى دكتوره فى الدنيا

سلالالالالالالالالالالالالالالالالالالالالالالالالالالالالالالالام

السلام عليكم

والله كنت هاكتب موضوع امبارح قبل ما اشوف الموضوع دا علي عدم تواجدك معانا من فترة طويلة

لكن اول مادخلت

لاقيت فلورندا عالمسنجر بعتتلي الموضوع

واتفاجئت باية

رغم انك قولتيلي الكلام دا قبل كدة يا ضياء

لكني ماصدقتش

وفعلا يا جماعة

ضياء مش هتسيب منتداها ولا حاجة لكنها ممكن تتاخر عليكم شوية علشان الدراسة

لكن استحالة تسيب اخواتها

وتاكدوا من كدة

وربنا يوفقها يارب

ويوفقنا جميعا

وشكرا ليكي يا حنان علي الصورة الرووووعة دي

تسلمي يارب

بجد حلوة اوي وعجبتني انا شخصيا مووووت

وشكرا ليكي يا شوشو عالرسالة

وانا اتاخرت في الرد علشان النت وحش جدااااااااا

وشكرا ليكم كلكم

تسلموا يارب

ياحلي اخوات في الدنيا

سلام

السلام عليكم ورحمه الله وبركاته

ايه الكلام ده يا ضياء

انا كده مش فاهمه اى حااااااااااااااجه

انتى ناويه تسيبينا ولا ايييييييييييييه؟؟؟؟؟؟؟؟؟؟؟؟

وكمان انا ملاحظه ان اسمك ما بقاش بلون المشرفين

ليه يا دودو كل ده

وهو من امتى والمنتدى بيعطل حد فينا

كده انتى هتخلينا احنا كمان نعمل زيك

وكل واحد وواحده فينا يطنش المنتدى

ويقول معلش اصلى مشغول

ساري ترجعى اسمك زى ما كان يا دودو

لا اله الا الله

السلام عليكم

ايه دا يا جماعة
فاجئتووووووووووووووووووووووني جدا جدا

لكن تصدقوا
احلي مفاجأه
ياريتني

ياااااااااااااريتني

مش بتاعة هاني شاكر
لااااااااء

دا ياريتني كنت كتبت موضوعي دا من زمااااااان

انا بس يا جماعة كنت داخلة اقدم مجرد اعتذار عن غيبتي الفترة اللي فاتت
وعن اني هأغيب الفترة الجاية بسبب الدراية لأني مش هاكون في البيت
فمش هايكون هناك مجال حرية بالنسبة لوجودي عالنت

غير يوم الجمعة مثلا لما اسيطر علي جهازي

بمعني اخر
اني باعتذر عن غيابي القليل
وليس الرحيل

انا عمرررررررررررررري ما فكرت ولا هأفكر اني اسيبب المنتدي دا
دا بيتنا كلنا
وكفاية مقربني من ناس غاليين ذيكم
كنت باقرا دعواتهم ليا في كل وقت كان عندي امتحان فيه وباحسها بصدق

انا بس يعني دخولي هايقل شووووووووية
لكن عمر ما هايكون في غياب بالمعني المفهوم

ان شاء الله

تسلميلي يارب يا فلورندا الجميلة وشكرا لكلامك الجميل
بس ذي ما انتي عارفة
كلنا هنا يد واحده
وانا معاااااااااااااااااااكم للنهاية

حنان الرقيقة
صورتك اللي ضفتيها جميلة وفيها روح حلوة بتدل علي رقتك

شيماء الغالية
من اخواتي اللي اتعرفت عليهم هنا المنتدي
ربنا يعلم قدر غلاوتك
وانا عمري ما هأتأخر عنكم خاااااااااالص
دا بس مجرد سلام قبل ما اسافر

الاختين الحلوين اوي اوي اوي
نوووووووووووووور وانجي
كلامك علي راسي من فوووووووووووووق
واسعدني جدا
وعلي فكرة عمر المنتدي ما هايعطلني
بالعكس كفاية دعواتكم ورحكم اللي بتشجعني
انتم اصبحتم ليا اخووووووووووات
ان شاء الله نتقابل قررررررررريب يارب

اما للأخت قمر المنتدي
فبيتك بيييييييييييييييييييييييييييييتك
الكتاكيت نامت
السنه دي لو ما طلعتش الاولي بتشجيعك ووسطاتك
ياريت ما ابقاش اشوووووفك وقتها
فاهمة ولاااااااااااااااا؟؟؟؟؟؟؟؟؟؟؟؟؟؟؟؟؟؟؟؟؟
باهزر اصل تفتكريني باهزر ولا حاجه

اما يانور
حكاية الاسم دي واللون
فمعلش اعذريني

انا اكيد مش هاضيف للادراة جديد الفترة الجاية
خيرية ان شاء الله هي هاتقوم بالواجب

يبقي معلش لازم اخد اللون الي يناسبني

والف مليون شكر ليكم

وعلشا اثبتلكم اني معاكم
فاليومين الي انا قاعده فيهم هأشارك علي قد ما اقدر
اوعي حد يفكر يبعد خااااااااااااااااااااااااااااااااالص

سلام يا احلي اخوات

انا بجد

مش عرفه اقولك ايه يا دودو

بس بجد

ربنا يخليكي لينا

انا فرحت قوي لما شوفت ردك

وشوفت اسمك منور في المنتدي

ربنا يوفقك يارب

ونشوف اسمك دايما منور

بالمنتدي

وفي كشف الاوائل بتوع الكليه

امين يا اله العالمين

اختك حنان

بصوا يا جماعه

هي قالت هتقلل
مش هتسيب
ده نمبر ون
نمبر تو بقى
باطنة و اطفال بتوع خامسه
مش زي رمد و انف و اذن و طب و مجتمع و مش فاكره الماده الرابعه في الوقت الحالي
اه
رمد
ييييه
لا انا قلت رمد
طيب اما ابقى اراجع الجدول هبقى اقول عليها ان شاء الله
ثالثا
خوخه قدها و قدود
و للا ايه يا خوختي؟؟؟